Featured Articles

გერმანიის კანცლერმა, ოლაფ შოლცმა რუსეთის პრეზიდენტთან, ვლადიმირ პუტინთან სატელეფონო საუბარი გამართა, რომელიც დაახლოებით ერთი საათის განმავლობაში მიმდინარეობდა. მისი შინაარსის შესახებ ინფორმაცია ჯერ არ გავრცელებულა.

ინფორმაციას ამის შესახებ გერმანული მედია სამთავრობო წყაროებზე დაყრდნობით ავრცელებს.

აღსანიშნავია, რომ ეს პოლიტიკოსებს შორის პირველი კონტაქტია 2022 წლის დეკემბრის შემდეგ.

უნგრეთის პრემიერ-მინისტრი ვიქტორ ორბანი მოუწოდებს ევროკავშირს გადახედოს რუსეთის წინააღმდეგ დაწესებულ სანქციებს, თუ სურს, რომ ფასებმა ენერგომატარებლებზე დაიწიოს. ინფორმაციას Reuters-ი ავრცელებს.

„ფასები ენერგომატარებლებზე ნებისმიერ შემთხვევაში უნდა შემცირდეს. ეს იმას ნიშნავს, რომ სანქციებს უნდა გადავხედოთ, იმიტომ რომ არსებული სასანქციო პოლიტიკის პირობებში ფასები ენერგომატარებლებზე არ დაიწევს“, - ციტირებს Reuters-ი ორბანს.

როგორც ორბანმა აღნიშნა, ამერიკული კომპანიები გაზსა და ელექტროენერგიაში იხდიან თანხის მეოთხედს, რასაც მათი ევროპელი კოლეგები ხარჯავენ და ამ ხარვეზის აღმოფხვრა მხოლოდ სანქციების გადახედვითაა შესაძლებელი.

Tesla-სა და SpaceX-ის დამფუძნებელი ილონ მასკი, რომელიც აშშ-ის არჩეულმა პრეზიდენტმა, დონალდ ტრამპმა მთავრობის ეფექტიანობის ახალი დეპარტამენტის ხელმძღვანელად დანიშნა, გაერო-ში ირანის მუდმივ წარმომადგენელს, ამირ საიდ ირავანის შეხვდა. მათ თეირანსა და ვაშინგტონს შორის დაძაბულობის შემცირების გზები განიხილეს. ამის შესახებ „ნიუ იორკ თაიმსი“ ორ ირანელ ოფიციალურ პირზე დაყრდნობით იუწყება.

გაზეთის წყაროების ინფორმაციით, შეხვედრა 11 ნოემბერს ნიუ იორკში გაიმართა. მოლაპარაკებები ერთ საათზე მეტ ხანს გაგრძელდა და საიდუმლო ადგილას ჩატარდა.  გამოცემის ერთ-ერთმა რესპონდენტმა აღნიშნა, რომ მასკთან შეხვედრამ თეირანს საშუალება მისცა, გამოეყენებინა შემოვლითი გზა, რათა არ შესულიყო პირდაპირ მოლაპარაკებებში ამერიკელ ოფიციალურ პირებთან. ასევე ცნობილი ხდება, რომ საუბრის დროს ირავანიმ მასკს, აშშ-ის ფინანსთა სამინისტროს ნებართვის მოპოვების შემთხვევაში, ბიზნესის ნაწილის ირანში გადატანა შესთავაზა.

ტრამპის წარმომადგენელმა მასკის შეხვედრის შესახებ გავრცელებულ ინფორმაციაზე კომენტარის გაკეთებაზე უარი იმ მიზეზით განაცხადა, რომ შეხვედრა კერძო ხასიათის იყო. კომენტარზე უარი მასკმაც და გაერო-ში ირანის მისიაში განაცხადეს.

თურქეთში ძლიერი მიწისძვრა დაფიქსირდა. ბიძგების სიმძლავრემ 4.9 მაგნიტუდა შეადგინა.

ინფორმაციას თურქული მედია ავრცელებს.

ეპიცენტრი მალათიის პროვინციის დოგანშეჰირის რაიონში იყო, რომელიც თურქეთის აღმოსავლეთით მდებარეობს. მიწისძვრა დედამიწის ზედაპირიდან 7 კილომეტრის სიღრმეზეა დაფიქსირებული.