Featured Articles

აშშ-მა ჩრდილოეთ პოლონეთში ახალი სარაკეტო ბაზა გახსნა. ამის შესახებ ინფორმაცია უცხოურ მედიაში ვრცელდება.

მედია წერს, რომ აღნიშნული ბაზა ევროპის უსაფრთხოებას ემსახურება. ახალგახსნილმა ბაზამ კრემლის კრიტიკა უკვე დაიმსახურა, როგორც რუსეთის "შეკავების მცდელობა" აშშ-ის სამხედრო ინფრასტრუქტურის საზღვრებთან მიახლოებით. 

ბალტიის სანაპიროსთან მდებარე ქალაქ რეძიკოვოში, ძირითადი ბაზა, რომელიც ოფიციალურად ტრამპის თანამდებობის დაკავების მერე ამუშავდება, 2000 წლიდან ფუნქციონირებს. 

თურქეთი ისრაელთან დიპლომატიურ ურთიერთობებს წყვეტს, – ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

ერდოღანის თქმით, თურქეთის რესპუბლიკის მთავრობა მისი ხელმძღვანელობით არ გააგრძელებს და არ განავითარებს ურთიერთობას ისრაელთან.

"ჩვენ ბოლომდე დავდგებით პალესტინის გვერდით მის სამართლიან საქმეში. ჩვენ მჩაგვრელს, სახელად ნეთანიაჰუს და მის ბანდას, კანონის წინაშე პასუხს ვაგებინებთ იმის გამო, რაც გააკეთეს. ჩვენ განვსაზღვრავთ ჩვენს მიმართულებას არა ცილისმწამებლების ბინძური წინადადებების მიხედვით, არამედ იმ მიმართულების მიხედვით, რომელზეც ჩვენი ერი მიუთითებს. ქვეყანა, რომელმაც მსოფლიოში ყველაზე მძაფრი რეაქცია გამოავლინა ისრაელის სისასტიკის მიმართ და გადადგა ყველაზე კონკრეტული ნაბიჯები, უდავოდ არის თურქეთი", – განაცხადა რეჯეფ თაიფ ერდოღანმა.

აშშ-ის პრეზიდენტი ჯო ბაიდენი ოთხშაბათს თეთრ სახლში არჩეულ პრეზიდენტს დონალდ ტრამპს უმასპინძლებს, რათა ძალაუფლების მშვიდობიანი გადაცემა აჩვენოს. ივნისის დებატების შემდეგ ეს მათი პირველი შეხვედრა იქნება.

"მას სჯერა ნორმების, მას სჯერა ჩვენი ინსტიტუტის, მას ძალაუფლების მშვიდობიანი გადაცემის სჯერა", - განაცხადა თეთრი სახლის სპიკერმა კარინ ჟენ-პიერმა ბაიდენის გადაწყვეტილებაზე, ტრამპი მიეწვია.

"ესაა ნორმა. ესაა ის, რაც უნდა მოხდეს".

ბაიდენი და ტრამპი წლების განმავლობაში მწვავედ აკრიტიკებდნენ ერთმანეთს და მათი გუნდებიც პოლიტიკასთან დაკავშირებით განსხვავებულ პოზიციებს იკავებენ. ბაიდენი ამბობდა, რომ ტრამპი საფრთხეა დემოკრატიისთვის, ხოლო ტრამპი ბაიდენს არაკომპეტენტურს უწოდებდა. 

მოსალოდნელია, რომ ტრამპის ვიზიტი ვაშინგტონში მოიცავს მის შეხვედრებს რესპუბლიკელ კანონმდებლებთან და წარმომადგენელთა პალატის სპიკერ მაიკ ჯონსონთან.

ტრამპის გუნდს, რომელმაც მომავალი კაბინეტის ახალი წევრები უკვე დაასახელა, ჯერ არ მოუწერია ხელი შეთანხმებებისთვის, რომლებიც უზრუნველყოფდა საოფისე ფართებსა და სახელმწიფო აღჭურვილობას, ასევე წვდომას სახელმწიფო ოფიციალურ პირებზე, ობიექტებსა და ინფორმაციაზე.

"ტრამპ-ვენსის იურისტები აგრძელებენ კონსტრუქციულ ურთიერთობას ბაიდენ-ჰარისის ადმინისტრაციის იურისტებთან ყველა შეთანხმებასთან დაკავშირებით, რომელიც პრეზიდენტის ძალაუფლების გარდამავლობის აქტით არის გათვალისწინებული", - განაცხადა ბრაიან ვენსმა, ტრამპის გუნდის წარმომადგენელმა.

People-მა 2024 წლის ყველაზე სექსუალური მამაკაცი დაასახელა - რეიტინგში პირველი ადგილი 45 წლის ამერიკელ მსახიობსა და რეჟისორს ჯონ კრასინსკს ერგო.

კრასინსკის თქმით, მისთვის ამ სტატუსის მიღება მოულოდნელი იყო.

საზოგადოება კრასინსკის სხვადასხვა ფილმიდან და სიტკომებიდან იცნობს. იგი უკვე 14 წელია ბრიტანელ მსახიობ ემილი ბლანტზეა დაქორწინებული. წყვილს სამი შვილი ჰყავს.