შინაგან საქმეთა სამინისტრო ღრმა მწუხარებას გამოთქვამს მიგრაციის დეპარტამენტის თანამშრომლის გარდაცვალების გამო, უსამძიმრებს დაღუპულის ოჯახსა და ახლობლებს.

უწყების ცნობით, პირველადი ინფორმაციით, მიმდინარე წლის 19 თებერვალს, ორთაჭალის მიმდებარე ტერიტორიაზე, მიგრაციის დეპარტამენტის თანამშრომელმა პირად ავტომობილში, საკუთრებაში არსებული ცეცხლსასროლი იარაღიდან გასროლით, თავის არეში სასიკვდილო ჭრილობა მიიყენა, რის შედეგადაც ის ადგილზე გარდაიცვალა. მომხდარს სავარაუდოდ წინ უძღოდა, მის თანმხლებ პირთან, ყოფით ნიადაგზე კონფლიქტი.

გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. ფაქტთან დაკავშირებით გამოძიება საქართველოს პროკურატურამ დაიწყო“,- აღნიშნულია შსს-ს ინფორმაციაში.

საქართველოს კულტურული მემკვიდრეობის დაცვის ეროვნული სააგენტო მცხეთის ჯვრის მონასტერთან დაკავშირებულ სამუშაოებს გამარტივებული წესით ყიდულობს.

გამარტივებული შესყიდვის თაობაზე შეთანხმების თანახმად მცხეთის ჯვრის მონასტრის დიდი ტაძრის ინტერიერის საკონსერვაციო სამუშაოების სახელმწიფო შესყიდვის სავარაუდო ღირებულება 332 823 ლარია.

როგორც შესყიდვების სააგენტოს ვებგვერდზე განთავსებულ ინფორმაციაშია აღნიშნული, სახელმწიფო ვალდებულია შეასრულოს 2018 წლის თებერვალში განხორციელებული მსოფლიო მემკვიდრეობის ცენტრისა და “ICOMOS” / “ICCROM”-ის ერთობლივი რეაქტიული მონიტორინგის მისიის მიერ გაცემული რეკომენდაციები „მცხეთის ისტორიული ძეგლების“, მათ შორის, ჯვრის მონასტრის საკონსერვაციო მდგომარეობის გაუმჯობესების თაობაზე.

"ჩატარებული კვლევების შედეგად, დადგინდა ის ძირითადი დაზიანებები, რომლებიც ფიქსირდება ტაძრის ინტერიერის დიდ ნაწილში, კერძოდ: ქვის გალევა (ეროზია, ატკეჩვა, განშრევება, მასალის კარგვა, ფრაგმენტაცია); ქვებშორის ნაკერებში დუღაბის გამოქარვა; ცალკეული ქვის ან სიმაღლეში რამდენიმე რიგის (ორი, სამი) წყობის ქვის მთლიანი ან ნაწილობრივი დაბზარვა (რომელთა გახსნის სიდიდე ხშირ შემთხვევაში არ აღემატება 0.6 მილიმეტრს), ასევე ბზარები, რომლებიც კვეთენ რამდენიმე რიგის წყობას და მოიცავენ როგორც ქვებს, ისე ვერტიკალურ ნაკერებს, ვრცელდება რამდენიმე მეტრის სიგრძეზე და მათი გახსნის სიდიდე აღწევს 1-2 სანტიმეტრს.

ძეგლზე ამჟამად შექმნილი ვითარებისა და წინა წლებში ჩატარებული კვლევების გათვალისწინებით, აუცილებელია, დიდი ტაძრის საკონსერვაციო სამუშაოების სახელმწიფო შესყიდვები განხორციელდეს გამარტივებული შესყიდვის საშუალებით, რათა შემჭიდროებულ ვადებში იქნეს უზრუნველყოფილი ტაძრის საკონსერვაციო მდგომარეობის დროული გაუმჯობესება",- წერია გამარტივებული შესყიდვის საჭიროების დასაბუთებაში.

ამასთან, სააგენტოს თანახმად, საკონსერვაციო სამუშაოების მაღალ დონეზე განხორციელების მიზნით, გამოიკვეთა პროცესში შესაბამისი კვალიფიკაციის მქონე ექსპერტის ჩართულობის აუცილებლობა, რომელიც, ერთის მხრივ, შერჩეული მეთოდოლოგიის საფუძველზე ზედამხედველობას გაუწევს მიმდინარე სამუშაოების საერთაშორისო სტანდარტების შესაბამისად განხორციელებას, ხოლო მეორეს მხრივ, მოამზადებს შესაბამის ანგარიშებს მსოფლიო მემკვიდრეობის ცენტრში წარსადგენად. სამშენებლო სამუშაოების ზედამხედველობისთვის შეირჩა საიმონ კრისტოფერ გაი ვარაკი, რომლის მომსახურებაც ასევე გამარტივებული შესყიდვით,30 310 დოლარად შეიძენს კულტურული მემკვიდრეობის დაცვის სააგენტო.

სურსათის ეროვნული სააგენტოს ინფორმაციით, თბილისის დეპარტამენტის ინსპექტორებმა იმპორტირებული საკონდიტრო ნაწარმის დამფასოებელი არალეგალური საწარმო გამოავლინეს.

სეს-ის ცნოვით, ინდმეწარმე ვ. ჯ. ( მის: ქ. თბილისი, აგლაძის 32) ეკონომიკურ საქმიანობათა რეესტრში რეგისტრაციის გარეშე, სანიტარიულ-ჰიგიენური ნორმების უხეში დარღვევით, სხვადასხვა დასახელების ტკბილეულს რეალიზაციის მიზნით აფასოებდა.

კრიტიკული შეუსაბამობების გამო, ბიზნესოპერატორი დაჯარიმდა და საწარმოო პროცესი შეუსაბამობების აღმოფხვრამდე შეუჩერდა.

გავრცელდა ცნობები ძაღლზე, რომელმაც ზამთრის ოლიმპიურ თამაშებზე მოთხილამურეებთან ერთად გადაკვეთა ფინიშის ხაზი.

გამოცემა NPR-ის ინფორმაციით ძაღლი სახელად ნაზგული (როგორც ჩანს, სახელი „ბეჭდების მბრძანებლის“ პერსონაჟების პატივსაცემად დაარქვეს) 2 წლის ჩეხოსლოვაკიური მგლის ძაღლია. ის თამაშების ერთ-ერთი ორგანიზატორის ნათესავებს ეკუთვნის, რომლებიც შეჯიბრების ჩატარების ადგილთან ახლოს ცხოვრობენ.

„ამ დილით ის ჩვეულებრივზე მეტად ტიროდა, რადგან დაინახა, როგორ მივდიოდით. ვფიქრობ, უბრალოდ ჩვენთან ერთად წამოსვლა უნდოდა. ის ყოველთვის ხალხისკენ ისწრაფვის“, - განუცხადა გამოცემას ნაზგულის პატრონმა.

NPR აღნიშნავს, რომ ტრასაზე ძაღლის გამოჩენას შეჯიბრების მსვლელობაზე გავლენა არ ჰქონია. „გავიფიქრე: მეჩვენება-მეთქი?“ - თქვა ხორვატმა მოთხილამურემ, ტენა ჰაჯიჩმა, რომელიც ნაზგულს ფინიშთან შეხვდა.