სურსათის ეროვნული სააგენტოს შიდა ქართლის დეპარტამენტმა რეგიონში მასშტაბური მონიტორინგი დაასრულა. ინსპექტირების შედეგად გამოვლენილია 9 არალეგალური ობიექტი, მათ შორის 8 ფრინველის სასაკლაო და 1 კვერცხის საწარმო.

უწყების ინფორმაციით, ბიზნესოპერატორები საქმიანობას ეკონომიკურ საქმიანობათა რეესტრში რეგისტრაციისა და სავალდებულო აღიარების გარეშე ეწეოდნენ.

გამოვლენილ დარღვევებზე კანონმდებლობით გათვალისწინებული სანქციები გატარდა. აღიარებისა და რეგისტრაციის მინიჭებამდე, საქმიანობა შემდეგ სუბიექტებს შეუჩერდათ:

სურსათის ეროვნულ სააგენტოში აცხადებენ, რომ არალეგალური საწარმოების გამოვლენის მიზნით, სახელმწიფო კონტროლი მთელი საქართველოს მასშტაბით აქტიურად გაგრძელდება.

„მოვუწოდებთ ბიზნესოპერატორებს, რომელთა საქმიანობაც ცხოველური წარმოშობის სურსათის წარმოებასთან ან გადამუშავებასთანაა დაკავშირებული, დროულად მოითხოვონ სავალდებულო აღიარება და განაახლონ რეგისტრაცია ეკონომიკურ საქმიანობათა რეესტრში“, - ნათქვამია უწყების განცხადებაში.

შეგახსენებთ, რომ სავალდებულო აღიარების გარეშე საქმიანობა კანონდარღვევაა და საფრთხეს უქმნის მომხმარებლის ჯანმრთელობას, რადგან ასეთ ობიექტებზე წარმოებული პროდუქციის უვნებლობა არ კონტროლდება.

1918 წელს, მაშინ როცა საქართველო ჯერ კიდევ პოლიტიკური დაძაბულობის ეპოქაში ცხოვრობდა, თბილისში გაიხსნა სივრცე, რომელმაც ქვეყნის მომავალი შეცვალა - ივანე ჯავახიშვილის სახელობის თბილისის სახელმწიფო უნივერსიტეტი. ეს იყო პირველი ეროვნული უნივერსიტეტი კავკასიაში და პირველი უმაღლესი სასწავლებელი, სადაც სწავლება ქართულ ენაზე დაიწყო. უნივერსიტეტი იქცა ადგილად, სადაც დაიბადა თანამედროვე ქართული მეცნიერება, ინტელიგენცია და სახელმწიფოებრივი აზროვნება.

ქართული უნივერსიტეტის შექმნის იდეა მე-19 საუკუნის ბოლოს დაიბადა. იმპერიული რუსეთის პირობებში ქართველ ახალგაზრდებს განათლების მისაღებად უცხოეთში უწევდათ წასვლა, ქართული სამეცნიერო ენა კი ფაქტობრივად არ არსებობდა. ისტორიკოსმა ივანე ჯავახიშვილმა თანამოაზრეებთან ერთად გადაწყვიტა, შეექმნა ისეთი უმაღლესი სკოლა, რომელიც დაეფუძნებოდა ევროპულ აკადემიურ გამოცდილებას, მაგრამ იმუშავებდა ქართულ ენაზე და ემსახურებოდა ქვეყნის კულტურულ განვითარება.

ადამიანები, რომლებმაც ქართული მეცნიერება შექმნეს…

სტატია სრულად იხილეთ აქ:

სურსათის ეროვნული სააგენტოს ინსპექტორებმა ფრინველის არალეგალური სასაკლაოები აჭარაში, ხელვაჩაურის მუნიციპალიტეტსა და იმერეთში, საჩხერის მუნიციპალიტეტში გამოავლინეს.

შპს „ატო” (მის: ხელვაჩაურის მუნიციპალიტეტი, ფანასკერტელ-ციციშვილის 29) ფერმის ტერიტორიაზე ფრინველის დაკვლას ახორციელებდა ვეტერინარული ზედამხედველობის გარეშე, სანიტარიულ-ჰიგიენური ნორმებისა და ტექნოლოგიური პროცესის უხეში დარღვევით.

ბიზნესოპერატორს არ ჰქონდა მინიჭებული სააგენტოს სავალდებულო აღიარება და საქმიანობდა ეკონომიკურ საქმიანობათა რეესტრში რეგისტრაციის გარეშე.

კრიტიკული შეუსაბამობები გამოვლინდა საჩხერეში, ინდმეწარმე ნ. ბ.-ს (მის: თამარ მეფის N15) ფრინველთა სასაკლაოზეც. ბიზნესოპერატორს არ ჰქონდა სააგენტოსაგან მინიჭებული სავალდებულო აღიარება. ობიექტზე დაილუქა ვეტერინარული ზედამხედველობის გარეშე, ტექნოლოგიური პროცესისა და სანიტარიულ-ჰიგიენური ნორმების დარღვევით დაკლული 80კგ ფრინველის ხორცი.

ორივე ბიზნესოპერატორი დაჯარიმდა კანონმდებლობის შესაბამისად და შეუსაბამობების აღმოფხვრამდე შეუჩერდათ საწარმოო პროცესი.

ინფორმაციას სურსათის ეროვნული სააგენტოს პრესსამსახური ავრცელებს.

გარემოს ეროვნული სააგენტოს ცნობით, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის კმ93-კმ107 (გუდაური (ფოსტა)–კობის) მონაკვეთზე ზვავსაშიშროების საფრთხის დონე მაღალია, – ამის შესახებ საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციაშია ნათქვამი.

უწყების ცნობით, ამის გამო, აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა.

„გარემოს ეროვნული სააგენტოს ცნობით, მლეთა-გუდაურის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში“, – აცხადებენ საავტომობილო გზების დეპარტამენტში.