კათოლიკოს პატრიარქის ილია მეორეს ღვაწლი არის ჭეშმარიტად სამოციქულო - რაც ჩვენ ვიხილეთ საქართველოში ამ დღეებში, ამას არ შეიძლება სხვა რამ ეწოდოს, თუ არა სამოციქულო ღვაწლის გამოვლინება,- განაცხადა საპატრიარქო ტახტის მოსაყდრე მეუფე შიომ, სიონის საპატრიარქო ტაძარში ქადაგებისას.

„დღეს ჩვენ ისევ და ისევ ვიხსენებთ მის უწმინდესობასა და უნეტარესობას, ჩვენს ძვირფას კათოლიკოს-პატრიარქს, წინამძღოლს ილია მეორეს. ისიც გახლავთ დიდი მემკვიდრე ჩვენი დიდი წინაპრების, პატრიარქების, რომლებმაც ჩვენამდე მოიტანეს მთავარი ღირებულებები, საუნჯეები, რაც უფლისგან გვაქვს ჩვენ მოცემული. ამ დღეებში ღმერთმა დაგვანახა ჩვენ მისი პიროვნების მნიშვნელობა და სიდიადე. კათოლიკოს-პატრიარქის, ილია მეორის ღვაწლი არის ჭეშმარიტად სამოციქულო იმიტომ, რომ ის, რაც ჩვენ ვიხილეთ საქართველოში ამ დღეებში, ამას არ შეიძლება, სხვა რამ ეწოდოს, თუ არა სამოციქულო ღვაწლის გამოვლინება. უფალმა მოახდინა ეს საოცრება, სასწაული მისი ხელით. აღძრა მთელი საქართველო, მთელი საქართველოს გულები - ჩვენი ყველასი მისთვის მადლობის სათქმელად და მწუხარების გამოსახატავად",- აღნიშნა მეუფე შიომ.

დღეს სამების საპატრიარქო ტაძარში საკვირაო წირვა მეუფე შიომ აღასრულა, რის შემდეგაც ილია მეორის სულის მოსახსენიებელი პანაშვიდი გადაიხადა.

გარემოს ეროვნული სააგენტოს ინფორმაციით, 30 მარტიდან 31 მარტის დილამდე საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ქარის გაძლიერება, მაღალმთიან რაიონებში - ნისლი, ქარბუქი და ზვავსაშიშროება. ქარბუქის, ხილვადობის გაუარესების და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.

„მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)“, - აღნიშნულია სააგენტოს მიერ გავრცელებულ ინფორმაციაში.

საქართველოში მცირეწლოვანი ბავშვების მშობლები ახალი რესპირატორული ვირუსის გავრცელების გამო შეშფოთებას გამოთქვამენ. პედიატრების ინფორმაციით, ინფექცია განსაკუთრებით მძიმედ ორ წლამდე ასაკის ბავშვებში მიმდინარეობს.

ბოლო კვირებში მნიშვნელოვნად გაიზარდა ჰოსპიტალიზაციის მაჩვენებელი და გართულებების შემთხვევები. სპეციალისტების თქმით, დაავადება მაღალი რისკის შემცველია განსაკუთრებით ჩვილებისთვის.

საქართველოში აღნიშნული ვირუსის საწინააღმდეგო ვაქცინა ამ ეტაპზე არ არსებობს. პედიატრები მშობლებს ურჩევენ, მაქსიმალურად შეამცირონ მცირეწლოვანი ბავშვების კონტაქტი ზრდასრულებთან, რათა ინფექციის გავრცელების რისკი შემცირდეს.

რესპირატორული-სინსციტიალური ვირუსი არის ამ წუთში გავრცელებული, რომელიც, ვრ ვიტყვი, რომ ახალი ვირუსია, უბრალოდ, სეზონი არის ახლა და ამ სეზონისთვის ძალიან ბვრი შემთხვევებია ავადბის, სადღაც 53% სწორედ ამ ვირუსით ავადობაზე მოდის. ბრონქიოლიტით ავადობენ 2 წლამდე ასაკის ბავშვები, რომელსაც იწვევს რეპირატორულ-სინსციტიალური ვირუსი და სწორედ ამაზეა საუბარი. ახლა, განსაკუთრებიწლამდე ასაკის ბავშვები საჭიროებენ ჰოსპიტალიზაციას, ზოგს ესაჭიროება რეანიმაციული დახმარება და ეს ვირუსია გავრცელებული ახლა, რომელიც მშობლების შფოთს იწვევს.

ამ დაავადების ვაქცინაცია არ არსებობს ჩვენს ქვეყანაში, ჰიგიენური პირობების დაცვა არის პრევენცია ამიტომ. უნდა მოვერიდოთ დაავადებულ ადამიანებს, ხშირად გავანიავოთ ოთახი და დავამუშავეთ სველი წესით ავეჯი და ნივთები. სუფთა ჰაერზე, რასაკვირველია, უნდა გვყავდეს, მაგრამ კონტაქტებს უნდა მოვარიდოთ რაც უფრო მცირე ასაკის არის ბავშვი და განგაშის ნიშნები არის, თუ ბავშვი კვებაზე უარს ამბობს, განსაკუთრებით თუ არ ღებულობს საკვებს დედით რძით ან ფორმულაზე უარს ამბობს, მათთვის ერთი ჩაგდებული კვებაც კი შეიძლება, საშიში იყოს. ამიტომ ცხვირით სუნთქვის გაძნელება, ერთეული ხველა, ვთქვათ, ტემპერატურა შეიძლება მაღალი არ იყოს როგორც გრიპის დროს, მაგრამ თუ იქნა 38 ტემპერატურა, ასეთ შემთხვვაში მიმართონ ექიმს, იმიტომ, რომ ოჯახის პირობებში ბრონქიოლიტის მართვა მშობლებს გაუჭირდებათ, - ამბობს ციციშვილის ბავშვთა ახალი კლინიკის სამედიცინო დირექტორი მაია ჩხაიძე.

წყარო: TV პირველი

გურ­ჯა­ა­ნის მუ­ნი­ცი­პა­ლი­ტეტ­ში ავა­რი­ას ერთი ადა­მი­ა­ნი ემსხვერ­პლა.შემ­თხვე­ვა სო­ფელ ახა­შენ­ში ცოტა ხნის წინ მოხ­და.

სო­ფელ­ში არ­სე­ბუ­ლი სა­მე­ბის ეკ­ლე­სი­ის მომ­დე­ბა­რედ, ავ­ტო­მო­ბი­ლი ხევ­ში რამ­დე­ნი­მე მეტ­რის სი­მაღ­ლი­დან გა­და­ვარ­და.

ად­გი­ლობ­რი­ვე­ბის თქმით, ავ­ტო­მან­ქა­ნა­ში სამი ადა­მი­ა­ნი იმ­ყო­ფე­ბო­და, მათ­გან ერთი ად­გილ­ზე გარ­დაც­ვა­ლა, ორი კი მძი­მედ და­შავ­და. გარ­დაც­ვლი­ლია 45 წლის მა­მა­კა­ცი.

ამ წუ­თებ­ში ად­გილ­ზე მო­ბი­ლი­ზე­ბუ­ლია პო­ლი­ცია და სა­გან­გე­ბო სი­ტუ­ა­ცი­ე­ბის მარ­თვის სამ­სა­ხუ­რი.