2025 წელს საქართველოში ქორწინებების რიცხვი გაიზარდა, განქორწინებები შემცირდა. ამის შესახებ საქსტატის მიერ გამოქვეყნებული წლის დემოგრაფიული მაჩვენებლებიდან ირკვევა.

2025 წელს საქართველოში სულ 22 285 ქორწინება დარეგისტრირდა, რაც წინა წელთან შედარებით 2.9%-ით მეტია.

ქორწინების ასაკობრივი მაჩვენებელი გასულ წელს ასეთი იყო:

ქალებისათვის პირველი ქორწინების საშუალო ასაკი 30.1 წელს შეადგენს (ზრდა წინა წელთან 0.2 წელი);
მამაკაცებისათვის ეს მაჩვენებელი 32.4 წელია (ზრდა წინა წელთან 0.2 წელი)
რეგიონული ჭრილში ქორწინებების ყველაზე მაღალი რაოდენობა თბილისში (6 553), ქვემო ქართლსა (2 944) და იმერეთში (3 284) დაფიქსირდა. ქორწინებების ზრდის პარალელურად, ქვეყანაში შემცირდა რეგისტრირებულ განქორწინებათა რაოდენობა. 2025 წელს ეს მაჩვენებელი 13 173 ერთეულს შეადგენდა, რაც წინა წელთან შედარებით 2.6 პროცენტით ნაკლებია. განქორწინების ყველაზე მეტი შემთხვევა კვლავ დედაქალაქში აღირიცხა (4 547), ხოლო ყველაზე ცოტა — რაჭა-ლეჩხუმისა და ქვემო სვანეთის რეგიონში (110).

რეგიონი    ქორწინება    განქორწინება
საქართველო    22,285    13,173
თბილისი    6,553    4,547
იმერეთი    3,284    2,085
ქვემო ქართლი    2,944    1,325
აჭარის ა.რ.    2,335    1,084
სამეგრელო-ზემო სვანეთი    1,892    1,363
კახეთი    1,716    979
შიდა ქართლი    1,453    791
სამცხე-ჯავახეთი    859    310
გურია    575    343
მცხეთა-მთიანეთი    465    236
რაჭა-ლეჩხუმი და ქვემო სვანეთი    209    110

ამერიკის შეერთებული შტატები სამუშაო ვიზებთან დაკავშირებულ პროცედურას ამკაცრებს. კერძოდ, მიმდინარე წლის 30 მარტიდან ძალაში შედის რეგულაციები, რომლის მიხედვითაც სავალდებულო ხდება კანდიდატის სოციალური აქტივობის მონიტორინგი.

e-Consul-ის უფროსი სავიზო კოორდინატორი ნანა გოგუაძე ვარაუდობს, რომ ეს შესაძლოა სამუშაო ნებართვების გაცემის შეზღუდვის საფუძველიც გახდეს.

„ეს ცვლილება გულისხმობს სოციალური აქტივობების სკრინინგს. თუ აქამდე ეს სავალდებულო წესით მოითხოვებოდა მხოლოდ სასწავლო კატეგორიის ვიზებისთვის, ახლა ისეთი კატეგორიები დაემატა, როგორიც არის სამუშაო და დიპლომატიური კატეგორიის ვიზები.

რა შეცვლის ეს კანდიდტებისთვის? პირველ რიგში, საკმაოდ დიდი რაოდენობის აპლიკანტები გვყავს ჩვენ სასწავლო კატეგორიის ვიზებზე და ცვლილება, რაც აპლიკანტებისთვის ამ ნაწილმა მოიტანა, პირველ რიგში ის არის, რომ კონსულს განხილვისთვის უფრო მეტი დრო სჭირდება, ვიდრე აქამდე იყო. თუ პასუხს მაშინვე გეუბნებოდნენ, ახლა ამ სკრინინგისთვის გარკვეული დრო მოითხოვება, რომელიც შეიძლება იყოს ოთხი-ხუთი სამუშაო დღე ან მეტი.

სკრინინგი ემატება ინტერვიუს პროცესში, რაც გულისხმობს იმას, რომ თუ აქამდე მის პროფესიულ, კარიერულ ნაწილზე იყო აქცენტირება და კონსულის გადაწყვეტილება მის კეთილსინდისიერებას ემყარებოდა, ახლა უკვე მისი სოციალური ქსელების, სოციალური აქტივობების სკრინინგი შემოდის. ეს გულისხმობს პოსტების, ლაიქების და სხვა სოციალური აქტივობების მონიტორინგს.

სამუშაო კატეგორიების ვიზები იმის გამო, რომ საჭიროებს გარკვეული პროცესების გავლას, არ არის მარტივად მისაღები, როგორც ვთქვათ B კატეგორიის, ტურისტული მიზნობრიობით გაცემული ვიზები. სტატისტიკა რომ გითხრათ, დაახლოებით A კატეგორიის ვიზა 170 გაიცა 2025 წლის იანვრიდან სექტემბრის ჩათვლით. სამუშაო კატეგორიები, როგორიც არის H, L, O, დაახლოებით 86 ვიზის გაცემა მოხდა, ხოლო K კატეგორიას რაც შეეხება, 13 ვიზა გაიცა შარშანდელი მონაცემების მიხედვით.

აღნიშნული ცვლილებიდან გამომდინარე, იმიტომ რომ გარკვეულწილად საკონსულო პროცესები რთულდება მათთვის და უფრო მეტად გამჭვირვალე ხდება კონსულისთვის ეს პროცესები, ამ ცვლილებამ შესაძლოა მათთვის ვიზების გაცემა უფრო შეზღუდოს და შეამციროს”, - აცხადებს ნანა გოგუაძე.

2025 წელს საქართველოში სულ 37,867 ბავშვი დაიბადა, რაც 2024 წელთან შედარებით 1,616-ით ნაკლებია. ამასთან ეს რიცხვი ბოლო 32 წლის განმავლობაში მინიმალურია.

წლების მიხედვით საქართველოში შობადობის პიკი 2014 წელს აღინიშნა, როდესაც 60,635 ბავშვი დაიბადა, მას შემდეგ კი ის ყოველწლიურად მცირდება.

უფრო დეტალურად, შობადობის მაჩვენებლები 1994 წლის შემდგომ ასე ნაწილდება:

წელი   / შობადობა საქართველოში
1994    57,311
1995    56,486
1996    55,153
1997    54,136
1998    51,491
1999    48,408
2000    48,167
2001    46,620
2002    45,127
2003    45,450
2004    45,751
2005    46,063
2006    46,845
2007    48,499
2008    52,442
2009    56,568
2010    55,230
2011    51,565
2012    49,969
2013    49,657
2014    60,635
2015    59,249
2016    56,569
2017    53,293
2018    51,138
2019    48,296
2020    46,520
2021    45,946
2022    42,319
2023    40,214
2024    39,483
2025    37,867

რეგიონულ ჭრილში 2025 წლის მდგომარეობით საქართველოში შობადობა ასე ნაწილდება:

რეგიონი    შობადობა
საქართველო    37,867
თბილისი    14,334
აჭარის ა.რ.    4,551
ქვემო ქართლი    4,431
იმერეთი    4,275
კახეთი    2,610
შიდა ქართლი    2,238
სამეგრელო-ზემო სვანეთი    2,178
სამცხე-ჯავახეთი    1,509
გურია    807
მცხეთა-მთიანეთი    743
რაჭა-ლეჩხუმი და ქვემო სვანეთი    191

დაბადებულთა შორის 13,873 იყო პირველი ბავშვი, 12,441 მეორე შვილი, 11,012 კი მესამე და შემდგომი შვილი. ყველა ეს პარამეტრი 2024 წელთან შედარებით შემცირებულია.

„საქართველოს რკინიგზის“ ინფორმაციით, აღდგომის დღესასწაულთან დაკავშირებით, გაზრდილი მგზავრთნაკადის გამო, „საქართველოს რკინიგზა“ 8 აპრილიდან 14 აპრილის ჩათვლით, თბილისი-ბათუმისა და თბილისი-ფოთის მიმართულებით მატარებლების რეისებს ამატებს.

მოძრაობის განრიგი ასეთია:

8, 9, 10, 11, 13, 14 აპრილი - თბილისი - ბათუმი: გასვლა:10:10, ჩასვლა: 15:22;
ბათუმი - თბილისი: გასვლა: 18:30, ჩასვლა: 23:29;
8, 9, 10, 11, 13 აპრილი - თბილისი - ფოთი: გასვლა: 09:10, ჩასვლა: 14:45;
ფოთი-თბილისი: გასვლა: 17:20, ჩასვლა: 22:54.
მათივე ცნობით, ბილეთების შეძენა შესაძლებელია ვებ-გვერდის საშუალებით: https://gr.com.ge აპლიკაციის საშუალებით: onelink.to,  „საქართველოს რკინიგზის“ სალაროებში და „საქართველოს რკინიგზის“ პარტნიორი კომპანიების მეშვეობით.