სურსათის ეროვნული სააგენტოს ინფორმაციით, სახელმწიფო კონტროლის ფარგლებში თევზის შესაბოლი საწარმოები, თევზისა და ხიზილალის მწარმოებლები, სატბორე მეურნეობები და სარეალიზაციო ობიექტები შემოწმდა. დღეისათვის ზედამხედველობა 200-მდე ობიექტში განხორციელდა.

თბილისში ორი თევზის შესაბოლი საწარმოში გამოვლინდა კრიტიკული შეუსაბამობები, მათ შორის:

• არასათანადო რეცხვა-დეზინფექცია-დეზინსექცია-დერატიზაცია;
• შესაბოლი კამერის დაზიანებული ჭერი;
• მომხმარებლისთვის სურსათის შესახებ ინფორმაციის მიწოდების წესის დარღვევა.

დარღვევების გამო ბიზნესოპერატორები დაჯარიმდნენ და საწარმოო პროცესი შეჩერდა კრიტიკული შეუსაბამობების სრულ აღმოფხვრამდე.

სააგენტოს ცნობით, ერთ-ერთი ყველაზე მნიშვნელოვანი მოთხოვნა მომხმარებლისთვის სურსათის შესახებ ინფორმაციის მიწოდების წესს უკავშირდება. სურსათის ეტიკეტზე აუცილებლად უნდა იყოს მითითებული გამოყენებული საკვები საღებავებისა და დანამატების დასახელება და წარმოდგენილი შესაბამისი სერტიფიკატი. აღნიშნული ინფორმაციის გარეშე ასეთი პროდუქტის რეალიზაცია აკრძალულია და მისი ბაზრიდან ამოღება ხდება.

კანონმდებლობით ნებადართულია საკვები საღებავების გამოყენება, რაც რეგულირდება ტექნიკური რეგლამენტით, თუმცა პროდუქტის ეტიკეტზე მათ შესახებ სრული მონაცემების დატანა სავალდებულოა.

200 ობიექტში ჩატარებული მონიტორინგის შედეგებით, მომხმარებლისთვის ინფორმაციის მიწოდების წესის დარღვევა 9 ბიზნესოპერატორთან დაფიქსირდა. სააგენტოს თქმით, დანარჩენ შემთხვევებში ხიზილალისა და თევზის მწარმოებლები იყენებენ მხოლოდ კანონმდებლობით განსაზღვრულ საღებავებს და ეტიკეტები სრულად ასახავს გამოყენებული დანამატების შესახებ მონაცემებს.

არასამთავრობო ორგანიზაცია "ერთობას" განცხადებით, გერმანიაში დაგეგმილი ჯგუფ "ურსას" კონცერტი, რომელშიც "ოცნების" მხარდამჭერი მუსიკოსები მონაწილეობდნენ, ქართველი ემიგრანტების გაძლიერებული პროტესტის გამო გაუქმდა. 

განცხადების მიხედვით, ემიგრანტები აცხადებენ, რომ აღნიშნული პრეცედენტი, საფუძვლად დაედება ემიგრანტთა მიერ ღირსების, საარჩევნო და სხვა კანონიერი უფლებების დაცვას ქართულ დიასპორებში. 

განცხადებაში აღნიშნულია, რომ ემიგრანტებმა ორგანიზატორებს ღონისძიების ჩატარებაში ხელი შეუშალეს, რის შედეგადაც კონცერტი საბოლოოდ გაუქმდა.

გერმანიის ქ. ნიდერკასელში დაგეგმილი ჯგუფ "ურსას" კონცერტი, რომელშიც ქვეყნის მოქმედი ხელისუფლების მხარდამჭერი მუსიკოსები მონაწილეობდნენ, ქართველი ემიგრანტების გაძლიერებული პროტესტის გამო ჩაიშალა. ემიგრანტებმა ორგანიზატორებს ღონისძიების ჩატარებაში ხელი შეუშალეს, რის შედეგადაც კონცერტი საბოლოოდ გაუქმდა.

მათი განცხადების თანახმად, აღნიშნული პრეცედენტი, საფუძვლად დაედება ემიგრანტთა მიერ ღირსების, საარჩევნო და სხვა კანონიერი უფლებების დაცვას საზღვარგარეთ მცხოვრებ ქართველ ემიგრანტებსა და ქართულ დიასპორებში," - ნათქვამია განცხადებაში. 

ფსიქოტროპული მედიკამენტების რეფორმის პროცესში, ჯანდაცვის სამინისტროს თქმით, მნიშვნელოვანი დარღვევები გამოიკვეთა. უწყების ინფორმაციით, ჩატარებულმა ანალიზმა აჩვენა, რომ კერძო იმპორტიორები მედიკამენტებს 30%-დან 810%-მდე ფასნამატით ყიდდნენ, რასაც დამატებით ემატებოდა საცალო სააფთიაქო ქსელების ფასიც. შედეგად, რიგ პრეპარატებზე ფასი „რეალურ ღირებულებასთან შედარებით 10-ჯერ მაღალი“ იყო.

სამინისტროში აცხადებენ, რომ მას შემდეგ, რაც სპეციალურ კონტროლს დაქვემდებარებული ფარმაცევტული პროდუქციის იმპორტი სახელმწიფომ გადაიბარა, წამლების ნაწილი 10-ჯერ გაიაფდა. უკვე დაფიქსირებულია შესაბამისი სამედიცინო დაწესებულებების მომარაგება, ხოლო სააფთიაქო ქსელებში მარაგების შევსება ეტაპობრივად მიმდინარეობს.

რეფორმის ფარგლებში, უწყების ცნობით, ფასწარმოქმნის პროცესი „სამართლიანი და სისტემურად მოწესრიგებული“ გახდა. სახელმწიფომ დააწესა საბითუმო და საცალო ფასის გონივრული ზედა ზღვარი, რაც მოსახლეობისთვის მედიკამენტებზე ფინანსური ხელმისაწვდომობის ზრდას ითვალისწინებს.

მათივე ინფორმაციით, სახელმწიფომ რიგ საერთაშორისო ფარმაცევტულ კომპანიებთან უკვე მიაღწია პირდაპირ შესყიდვებზე შეთანხმებას, რაც დამატებით შეამცირებს ფასებს კონკრეტულ პრეპარატებზე.

ჯანდაცვის სამინისტრო ასევე აღნიშნავს, რომ ფსიქოტროპული მედიკამენტების რაციონალური მოხმარების უზრუნველსაყოფად მიმდინარეობს მკაცრი კონტროლი. ასეთ პრეპარატებზე დანიშნულება ექმნება მხოლოდ ექიმის მიერ, შესაბამისი სამედიცინო ჩვენების დაცვით. ნებისმიერი გადაცდომის შემთხვევაში, უწყების განცხადებით, რეაგირება იქნება „კანონით განსაზღვრული და მკაცრი“.

"გარე ვაჭრობის პირობებში შეძენილი რძის ნაწარმი საფრთხეა თქვენი ჯანმრთელობისთვის" - ასეთია სურსათის ეროვნული სააგენტო გაფრთხილება, რომლითაც ისინი მოსახლეობას მიმართავენ.

"სააგენტო რეგულარულად მოუწოდებს მომხმარებელს, არ შეიძინოს რძე არაორგანიზებული ვაჭრობის ადგილებში, სადაც არ არის დაცული სურსათის მიკვლევადობა. შეუმოწმებელი ცხოველური წარმოშობის სურსათის გამოყენება სიცოცხლისა და ჯანმრთელობისათვის საშიში დაავადებებით ინფიცირების მაღალი რისკის მატარებელია. დროული რეაგირებისთვის მნიშვნელოვანია მომხმარებლის ჩართულობა. დარღვევის გამოვლენის შემთხვევაში დარეკეთ ცხელ ხაზზე-15-01", - აცხადებენ სააგენტოში.

უწყების ინფორმაციით, სურსათის ეროვნული სააგენტო რძის და რძის ნაწარმის კონტროლს პირველადი წარმოებიდან რეალიზაციამდე უწყვეტ რეჟიმში ახორციელებს. მოწმდება რეალიზაციის პირობები (ეტიკეტი, ვადები, ტემპერატურული რეჟიმი).

სურსათის ეროვნული სააგენტოს სპეციალისტები სხვადასხვა მაჩვენებელზე გამოსაკვლევად იღებენ რძის და რძის ნაწარმის ნიმუშებს. რძის შემკრებ პუნქტებსა და გადამმუშავებელი საწარმოებში ლაბორატორიულად მოწმდება ნედლი რძე, რომლისგანაც მზადდება სხვადასხვა დასახელების რძის ნაწარმი. შემოწმების და კვლევების შედეგების შესახებ ინფორმაციას სააგენტო პროაქტიურ რეჟიმში ავრცელებს.

აღსანიშნავია, რომ რძე ლაბორატორიულად მოწმდება 24 მაჩვენებელზე, მათ შორისაა, ბრუცელოზი, ვეტერინარული პრეპარატების ნარჩენები (ანტიბიოტიკები), აფლატოქსინი, ტყვია და სხვა.

ასევე აღსანიშნავია, რომ სააგენტოს ერთ-ერთი პრიორიტეტია არარეგისტრირებული წარმოებების გამოვლენა და კანონმდებლობის ფარგლებში მოქცევა.

მთელი ქვეყნის მასშტაბით განხორციელებული მოკვლევის შედეგად, სააგენტოს ინსპექტორებმა რძის 45 არარეგისტრირებული წარმოება გამოავლინეს.