სურსათის ეროვნული სააგენტოს ინფორმაციით, კახეთის, იმერეთისა და აჭარის დეპარტამენტების ინსპექტორებმა სიღნაღში, ვანში, საჩხერესა და ბათუმში რძის გადამმუშავებელი არალეგალური საწარმოები გამოავლინეს.

უწყების ინფორმაციით, კახეთის დეპარტამენტის ინსპექტორებმა სიღნაღში მდებარე ინდივიდუალური მეწარმე ზ.თ.-ს ყველის საწარმოში კრიტიკული და არა კრიტიკული შეუსაბამობები აღმოაჩინეს. ბიზნესოპერატორი საქმიანობდა სააგენტოსგან მინიჭებული სავალდებულო აღიარების გარეშე და არ იყო რეგისტრირებული ეკონომიკურ საქმიანობათა რეესტრში.

ვანში ინდივიდუალური მეწარმე გ.მ.-ს საწარმოში, რომელიც ასევე არ იყო აღიარებული, აღმოჩნდა ტექნოლოგიური დარღვევით დამზადებული ყველი (სულგუნი) და ნადუღი, ხოლო მზა პროდუქტი არ იყო ეტიკეტირებული. საჩხერეში ფიზიკური პირი ა.ხ.-ს არალეგალურ ყველის საწარმოში კრიტიკული დარღვევები გამოვლინდა, ასევე სავალდებულო აღიარების გარეშე.

აჭარის დეპარტამენტის ინსპექტორებმა ბათუმში აღმოაჩინეს რძის შემცველი პროდუქტის საბითუმო რეალიზაციის ფაქტები, რომელიც სავალდებულო აღიარების გარეშე ხორციელდებოდა. ფიზიკური პირი დ.ს.-ს ობიექტი ჰიგიენური ნორმებისა და შენახვის პირობების დარღვევით ფუნქციონირებდა. შპს “გურიაც“ ასევე საქმიანობდა რეგისტრაციისა და აღიარების გარეშე.

ბიზნესოპერატორები დაჯარიმდნენ და მათ საწარმოო პროცესი შეაჩერეს.

სურსათის ეროვნული სააგენტო ბიზნესოპერატორებს მოუწოდებს, არ აწარმოონ პროდუქცია სავალდებულო აღიარების გარეშე და დაიცვან სურსათის უვნებლობის ნორმები.

საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) ლოცვა-კურთხევით, დღეიდან ყოველდღე, 40 დღის განმავლობაში, თბილისის სიონის საპატრიარქო ტაძარში, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ ილია მეორის საფლავზე სასულიერო პირები მისი უწმინდესობის სულის საოხად დაიწყებენ პანაშვიდის გადახდას მგალობლების თანხლებით, – ამის შესახებ ნათქვამია საქართველოს საპატრიარქოს საზოგადოებასთან ურთიერთობის სამსახურის ინფორმაციაში.

საპატრიარქოს ცნობით, მორწმუნე მრევლს ტაძარში შესვლა და პატრიარქის საფლავისთვის პატივის მიგება შეეძლება ყოველდღე, 08:00-დან 22:00 საათამდე.

„ტაძარში ყოველდღიურად აღესრულება ღვთისმსახურება. ამის გათვალისწინებით, სასულიერო პირების მიერ პანაშვიდი 11:00-დან 16:00-მდე და 18:00-დან 22:00 საათამდე განუწყვეტლივ აღევლინება“, – ნათქვამია საქართველოს საპატრიარქოს საზოგადოებასთან ურთიერთობის სამსახურის ინფორმაციაში.

საქართველოს პუერტორიკოელი მომღერალი რიკი მარტინი ჩამოვა. არტისტი ქართულ სცენაზე პირველად 16 ივლისს წარდგება.

როგორც არტისტის ოფიციალურ გვერდზე წერია, კონცერტი მისი საერთაშორისო ტურნეს ფარგლებში გაიმართება, სადაც მომღერალი მსმენელის წინაშე ყველაზე ცნობილ ჰიტებს შეასრულებს. ღონისძიება რუსთავის ავტოდრომზეა დაგეგმილი.

ბილეთების გაყიდვა უკვე დაწყებულია და მათი ღირებულება ოფიციალურ ვებგვერდზე 200 ლარიდან იწყება და მაქსიმალური ფასი 1500 ლარს აღწევს.

ღონისძიება რუსთავში 19:00 საათზეა დაგეგმილი.

თბილისის სიონის ღვთისმშობლის მიძინების საპატრიარქო ტაძარში სრულიად საქართველოს კათოლიკოს-პატრიარქის საფლავზე პატივის მისაგებად მისვლა, მოქალაქეებს ყოველდღე 08:30 საათიდან 20:00-21:00-მდე შეეძლებათ.

სასულიერო პირების თქმით, ადგილზე ჯერ კიდევ გამაგრებითი სამუშაოები მიმდინარეობს, შესაბამისად, უსაფრთხოებიდან გამომდინარე, მრევლს დროებით არ ექნება უშუალოდ საფლავის ქვასთან შეხების საშუალება.

„ჯერჯერობით ბოლომდე დასრულებული არ არის. რამდენიმე დღეში შესაძლებელი იქნება, რომ ადამიანი საფლავს შეეხოს“, - განაცხადა დეკანოზმა ირაკლი ნემსაძემ.

„უზარმაზარი ტკივილი გვაქვს, ყველას გარდაგვეცვალა მამა, რომელმაც გაგვზარდა, უამრავი განსაცდელის ჟამს ქვეყანა სამშვიდობოს გაიყვანა“, - განაცხადა დეკანოზმა ილია ჩიკვაიძემ.