ახალი შესაძლებლობა წალენჯიხელებისთვის.არტმეურნეობის მულტიკულტურულ ცენტრში სახვითიხელოვნების სკოლა და სამუზეუმო სივრცე გაიხსნა. სამხატვრო სკოლაში წალენჯიხელ და საოკუპაციოხაზთან მცხოვრებ ბავშვებსა და მოზარდებსდღეიდან შესაძლებლობა ექნებათ ხატვა უფასოდშეისწავლონ.

წალენჯიხაში არტ-მეურნეობა 3 წლის წინ მამუკახაზარაძის ინიციატივით გაიხსნა. სამხატვრო სკოლა-სტუდია წარმოადგენს რეგიონული მნიშვნელობისსაგანმანათლებლო ცენტრს, რომელიც მუშაობსთბილისის სამხატვრო სტუდია „ფრესკას“ პროგრამით. სწავლა სკოლაში ყოველდღიურადიქნება. სამომავლოდ სამხატვრო სკოლაშისხვადასხვა მხატვრის გამოფენები, ვორქშოპები დათემატური არტ-საღამოებ მოეწყობა. სივრცე იქნებაცოცხალი, განახლებადი და დინამიური, სადაცხელოვნების პროცესში ბავშვები და საზოგადოებისსხვადასხვა ჯგუფები გაერთიანდებიან. წალენჯიხისსამხატვრო სკოლაში 6-დან 18 წლამდემოსწავლეების რეგისტრაცია უკვე დაიწყო.

საქართველოს შინაგან საქმეთა მინისტრი გეკა გელაძე და სახელმწიფო უსაფრთხოების სამსახურის უფროსი მამუკა მდინარაძე, ოჯახებთან ერთად, სრულიად საქართველოს კათოლიკოს-პატრიარქს, უწმინდესსა და უნეტარესს, ილია მეორეს საპატრიარქოში ესტუმრნენ.

პატრიარქმა გეკა გელაძისა და მამუკა მდინარაძის ოჯახები დალოცა.

ილია მეორემ შინაგან საქმეთა მინისტრსა და სახელმწიფო უსაფრთხოების სამსახურის უფროსს საპასუხისმგებლო საქმიანობაში წარმატება უსურვა.

ინფორმაციას შსს ავრცელებს.

7 სექტემბერს, დღის მეორე ნახევრიდან 8 სექტემბრის დილამდე საქართველოს უმეტეს რაიონში მოსალოდნელია წვიმა, დროგამოშვებით ზოგან – ძლიერი, ელჭექი და სეტყვა, – ინფორმაციას გარემოს ეროვნული სააგენტო ავრცელებს.

მათივე ცნობით, სანაპირო რაიონებში შესაძლებელია ქარის გაძლიერება.

„მოსალოდნელმა ძლიერმა წვიმებმა საქართველოს მდინარეებზე, შესაძლებელია, გამოიწვიოს წყლის დონეების მნიშვნელოვანი მატება, პატარა მდინარეებზე – წყალმოვარდნები, ხოლო ქვეყნის მთიან ზონებში – მეწყრულ-ღვარცოფული პროცესების ჩასახვა-გააქტიურება (საფრთხის დონე საშუალო)“, – ნათქვამია გარემოს ეროვნული სააგენტოს ინფორმაციაში.

მცხეთა-შიომღვიმის მონასტრის გზის მე-8 კმ-ზე ავტოტრანსპორტის მოძრაობა დროებით შეიზღუდება. ინფორმაციას ამის შესახებ საავტომობილო გზების დეპარტამენტი ავრცელებს.

უწყების ცნობით, მოძრაობის შეზღუდვის მიზეზი მთის ფერდის ჩამოწმენდის სამუშაოებია.

„შიდასახელმწიფოებრივი  მნიშვნელობის მცხეთა-შიომღვიმის მონასტრის საავტომობილო გზის მე-8 კმ-ზე მეკლდეურების მეშვეობით ხორციელდება მთის ფერდის ჩამოწმენდის სამუშაოები. ამის გამო 2025 წლის 4 სექტემბრის 20:00სთ-მდე გზის აღნიშნულ მონაკვეთზე ავტოტრანსპორტის მოძრაობა პერიოდულად შეიზღუდება 30-წუთიანი ინტერვალებით“, – წერს საავტომობილო გზების დეპარტამენტი.