დღეს საქართველოს კონსტიტუციის დღეა.

1995 წლის 24 აგვისტოს პარლამენტის იმდროინდელმა შემადგენლობამ ქვეყნის უზენაესი კანონი მიიღო. კონსტიტუცია ძალაში 1995 წლის ახლად არჩეული პარლამენტის უფლებამოსილების ცნობის დღიდან შევიდა.

1995 წლის 24 აგვისტოს ქვეყნის პარლამენტმა დაამტკიცა კონსტიტუციის ახალი რედაქცია, რომლის თანახმადაც საქართველო აღიარებულ იქნა დამოუკიდებელ, ერთიან და განუყოფელ სახელმწიფოდ ქვეყნის მთელ ტერიტორიაზე, მათ შორის ცხინვალის ოლქსა და აფხაზეთის ავტონომიაში.

კონსტიტუციის თანახმად, საქართველოს სახელმწიფოს პოლიტიკური წყობილების ფორმად დეკლარირებულ იქნა დემოკრატიული რესპუბლიკა.

სახელმწიფო ხელისუფლება, როგორც ყველა დემოკრატიულ სახელმწიფოში, ეყრდნობა ხელისუფლების დანაწილების პრინციპს.

1993 წლის 16 თებერვალს სახელმწიფოს მეთაურმა და ამავდროულად პარლამენტის თავმჯდომარემ ედუარდ შევარდნაძემ პარლამენტს წარუდგინა წინადადება, საქართველოს სახელმწიფო საკონსტიტუციო კომისიის შექმნის შესახებ, რომელმაც შემდგომ უზენაესი კანონი შეიმუშავა. ჯგუფი სულ 118 წევრისგან შედგებოდა.

24 აგვისტოს საქართველოში მზიანი ამინდია მოსალოდნელი. ტემპერატურა ზოგან +36 +38 გრადუსს მიაღწევს.

ტემპერატურა ქალაქების მიხედვით:

გაგრა +27 - უმეტესად მზიანი

სოხუმი +30 - მზიანი

ზუგდიდი +31 - მზიანი

მესტია +27 - მზიანი

ფოთი +29 - უმეტესად მზიანი

ბათუმი +29 - უმეტესად მზიანი

ოზურგეთი +30 - უმეტესად მზიანი

ქუთაისი +31 - მზიანი

ამბროლაური +32 - მზიანი

ახალციხე +32 - მზიანი

ბორჯომი +30 - მზიანი

ბაკურიანი +26 - მზიანი

გორი +35 - მზიანი

ცხინვალი +32 - მზიანი

სტეფანწმინდა +24 - მზიანი

გუდაური +21 - მზიანი

თელავი +33 - მზიანი

რუსთავი +38 - მზიანი

თბილისი +36 - მზიანი

გარემოს ეროვნული სააგენტოს ინფორმაციით, ხარაგაულის მუნიციპალიტეტში, სოფლებში ხემაღალსადა ღვერკში არსებული მეწყერი გააქტიურდა. მეწყრულმა მასებმა ნაწილობრივ გადაკეტა მდ. კორნებასღელე.

დამატებითი საფრთხეების შეფასების მიზნით, გარემოს ეროვნული სააგენტოს სპეციალისტებმა ოპერატიულად მოახდინეს სიტუაციის შეფასება. წინასწარი ინფორმაციით მოსახლეობას საფრთხე არ ემუქრება.

სააგენტოს გეოლოგები ამ დრომდე ადგილზე იმყოფებიან. მათ მიერ, შესაბამის უწყებებთან ერთად გაიცა რეკომენდაციები, რაც გულისხმობს შეგუბების უბანზე გაწმენდით სამუშაოებს, ასევე, მეწყრის ზონაში მონიტორინგის დაწესებას.

სიონის საკათედრო ტაძარში ლევან გაჩეჩილაძის პანაშვიდზე პრეზიდენტი მიხეილ ყაველაშვილი, პრემიერ-მინისტრი ირაკლი კობახიძე, პარლამენტის თავმჯდომარე შალვა პაპუაშვილი, საპარლამენტო უმრავლესობის ლიდერი მამუკა მდინარაძე, დედაქალაქის მერი კახა კალაძე, საკანონმდებლო და აღმასრულებელი ხელისუფლების წარმომადგენლები იმყოფებოდნენ.

მათ პატივი მიაგეს ლევან გაჩეჩილაძის ხსოვნას და მის ოჯახს კიდევ ერთხელ გამოუცხადეს სამძიმარი.

ლევან გაჩეჩილაძეს რამდენიმე წუთში სიონის საკათედრო ტაძრიდან გამოასვენებენ და ვაკის სასაფლაოზე დაკრძალავენ.

ბიზნესმენი და პოლიტიკოსი ლევან გაჩეჩილაძე 20 აგვისტოს 61 წლის ასაკში გარდაიცვალა.