სრულიად საქართველოს კათოლიკოს-პატრიარქის, ილია მეორის დაკრძალვას მსოფლიო პატრიარქი, ყოვლადუწმინდესი ბართლომე დაესწრება.

აღნიშნული ინფორმაცია საქართველოს პირველ არხს საქართველოს საგარეო საქმეთა სამინისტროში დაუდასტურეს.

მსოფლიო პატრიარქმა, ყოვლადუწმიდესმა ბართლომემ წმინდა გიორგის საპატრიარქო ტაძარში საქართველოს პატრიარქის, ილია მეორის სულის მოსახსენებლად პანაშვიდი აღასრულა. საქართველოს ეკლესიის წმინდა სინოდისადმი გამოგზავნილ წერილში მსოფლიო პატრიარქმა გამოხატა მსოფლიო საპატრიარქოს და პირადად მისი გულითადი სამძიმარი საქართველოს ეკლესიის წინამძღვრის, კათოლიკოს-პატრიარქის, განსვენებული ილია მეორის გარდაცვალების გამო.

სრულიად საქართველოს კათოლიკოს-პატრიარქს, ილია მეორეს კვირას, 22 მარტს სიონის ტაძარში დაკრძალავენ.

სრულიად საქართველოს კათოლიკოს-პატრიარქი ილია მეორე 17 მარტს 93 წლის ასაკში გარდაიცვალა.

საქართველოს მთავრობამ 2026 წლის 12 მარტს მიიღო დადგენილება, რომელიც შინაური ბინადარი ცხოველების იდენტიფიკაცია-რეგისტრაციის ერთიან წესს და ვადებს განსაზღვრავს. დადგენილების მიხედვით, ქვეყანაში შეიქმნება მონაცემთა ერთიანი ელექტრონული ბაზა, სადაც აისახება ინფორმაცია ძაღლებისა და კატების შესახებ, მათ შორის - მეპატრონეების, მიმკედლებლებისა და ცხოველთა გადაადგილების შესახებ. ბაზას მართავს სურსათის ეროვნული სააგენტო.

ახალი წესებით, ცხოველის მეპატრონეები ვალდებულნი არიან უზრუნველყონ მათი იდენტიფიკაცია და რეგისტრაცია. იდენტიფიკაცია განხორციელდება მიკროჩიპის ან საყურე ნიშნით. რეგისტრაცია სავალდებულოა როგორც საკუთრებაში მყოფი, ისე მიკედლებული ცხოველებისთვის.

მთავრობის გადაწყვეტილებით, მეპატრონეებმა არსებული ცხოველები უნდა დაარეგისტრირონ 2027 წლის 1 იანვრამდე. ამასთან, ახალი ცხოველის შემთხვევაში რეგისტრაცია უნდა განხორციელდეს დაბადებიდან 30-60 დღის ვადაში ან მისი შეძენიდან არაუგვიანეს 15 დღისა.

დადგენილება ასევე ავალდებულებს ვეტერინარულ დაწესებულებებს, თავშესაფრებსა და ცხოველებთან დაკავშირებულ სხვა ობიექტებს, გადაამოწმონ ცხოველის რეგისტრაციის სტატუსი და საჭიროების შემთხვევაში უზრუნველყონ მისი იდენტიფიკაცია.

მონაცემთა ერთიანი ბაზის მიზნად სახელდება ცხოველთა რაოდენობის აღრიცხვა, მეპატრონეების იდენტიფიკაცია, ასევე ცხოველების მიტოვების პრევენცია და უმეთვალყურეო ცხოველების კონტროლი.

დადგენილების ძირითადი ნაწილი ამოქმედდება 2026 წლის 1 ივლისიდან, ხოლო გარკვეული ვალდებულებები, მათ შორის მონაცემთა ბაზაზე წვდომის მოთხოვნა შესაბამისი უწყებების მხრიდან, უკვე ამოქმედებულია.

სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის, ილია მეორის დაკრძალვის საორგანიზაციო საკითხებთან დაკავშირებით, მთავრობის ადმინისტრაციაში სამუშაო შეხვედრა გაიმართა.

შეხვედრაში მონაწილეობდნენ საქართველოს პრემიერ-მინისტრი ირაკლი კობახიძე, პრეზიდენტი მიხეილ ყაველაშვილი, პარლამენტის თავმჯდომარე შალვა პაპუაშვილი, თბილისის მერი კახა კალაძე, სახელმწიფო უსაფრთხოების სამსახურის უფროსი მამუკა მდინარაძე, სახელმწიფო დაცვის სპეციალური სამსახურის უფროსი ანზორ ჩუბინიძე და მინისტრთა კაბინეტის წევრები.

საქართველოს მთავრობის ადმინისტრაციის ინფორმაციით, სამუშაო შეხვედრაზე აღინიშნა, რომ შეიქმნება სახელმწიფო კომისია, რომელიც პატრიარქის დაკრძალვის საორგანიზაციო საკითხებზე იმუშავებს. ასევე, საქართველოს ხელისუფლების წარმომადგენლები ჩაერთვებიან საპატრიარქოს კომისიის მუშაობაში.

სრულიად საქართველოს კათოლიკოს-პატრიარქის გარდაცვალებასთან დაკავშირებით, საქართველოში გლოვაა გამოცხადებული. გლოვის დღეები დაკრძალვის დღის ჩათვლით გაგრძელდება.

სრულიად საქართველოს კათოლიკოს-პატრიარქს, ილია მეორეს კვირას, 22 მარტს სიონის ტაძარში დაკრძალავენ.

ამის შესახებ საქართველოს მართლმადიდებელი ეკლესიის წმინდა სინოდის სხდომის შემდეგ, მეუფე იობმა ჟურნალისტებს განუცხადა.

„დაკრძალვა იქნება კვირას, სიონის საკათედრო ტაძარში, პატრიარქის სურვილისამებრ. ახლობლებთან დატოვა ასეთი სურვილი. ეპოქალური პიროვნებაა, ერისა და ქვეყნის წინაშე ძალიან დიდი დამსახურება აქვს, როგორც სულიერად, ისე მატერიალურად, ყველა მხრივ. პატრიარქი იყო სიყვარულის პატრიარქი. არ არსებობს ადამიანი, მით უმეტეს, ქრისტიანი, რომ მისი უწმინდესობა არ უყვარდეს“, – განაცხადა მეუფე იობმა.

ილია მეორეს საპატრიარქო რეზიდენციიდან სამების ტაძარში გადაასვენებენ. მსვლელობა ცოტა ხანში დაიწყება.

სრულიად საქართველოს კათოლიკოს-პატრიარქი ილია მეორე 17 მარტს 93 წლის ასაკში გარდაიცვალა.