ეს მხოლოდ დასაწყისია, ეს ბრძოლა ბევრ სხვა ფორმებს მიიღებს“, - განაცხადა კოალიცია ცვლილებისთვის ერთ-ერთმა ლიდერმა ელენე ხოშტარიამ ჭავჭავაძის გამზირზე, სადაც კარვებია გაშლილი და 24-საათიანი საპროტესტო აქცია მიმდინარეობს. ადგილი.
როგორც ხოშტარიამ „ინტერპრესნიუსთან“ საუბრისას აღნიშნა, საქართველოში ძალიან მნიშვნელოვანი პროცესია დაწყებული.
„პირველივე დღიდან ჩვენ ვთქვით, რომ როდესაც ხელისუფლება ახორციელებს გადატრიალებას, ჩვენი ვალდებულებაა ბრძოლა, მათ შორის ქუჩაში. ბრძოლა ქართული ოცნებისთვის მოულოდნელ ფორმებში და რაც შედეგს მოიტანს.
გუშინ გამოვაცხადეთ აქტიური წინააღმდეგობის მოძრაობა, ეს არის ძალიან მნიშვნელოვანი ადგილი - ქალაქის ცენტრი. ეს მხოლოდ დასაწყისია, ეს ბრძოლა ბევრ სხვა ფორმას მიიღებს. ჩვენ გვაქვს დიდი საერთაშორისო მხარდაჭერა, მაგრამ ეს მხარდაჭერა სწორედ ხალხის ბრძოლას ეფუძნება. დღეს პირველი ღამე იყო, რაც ერთად გავატარეთ და ერთად ვიდექით. ბევრი ხალხია დარჩენილი და უახლოეს დღეებში იქნება პროტესტი სხვადასხვა ფორმით“, - განაცხადა ხოშტარიამ.