თბილისში, სხვადასხვა კომპანიის გაფიცულმა თანამშრომლებმა ჭავჭავაძის გამზირზე საავტომობილო გზა გადაკეტეს.
დღეს, 15 იანვარს, 15:00 საათიდან საქართველოს ასობით კომპანია მუშაობას 3 საათით აჩერებს. 3 -დან 6 საათამდე იხურება სხვადასხვა მაღაზიები, კვების ობიექტები, ოფისები და საწარმოები. მოქალაქეები გაფიცვის შემდეგ რუსთაველის გამზირზე პარლამენტის წინ ყოველდღიურ აქციას შეუერთდებიან.