შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის 94-ე კილომეტრზე ავტოტრანსპორტის მოძრაობა დროებით შეიზღუდება.
საქართველოს ინფრასტრუქტურის სამინისტროს გზების დეპარტამენტის ცნობით, მოძრაობის შეზღუდვა გზის მონაკვეთზე დაგეგმილ სარემონტო სამუშაოებს უკავშირდება.
მათი ინფორმაციით, შეზღუდვა 2025 წლის 7 ოქტომბრის 22:00 საათიდან 8 ოქტომბრის 06:00 საათამდე იმოქმედებს.
გზების დეპარტამენტი მოუწოდებს მძღოლებს, გაითვალისწინონ დროებითი ცვლილებები და გადაადგილება წინასწარ დაგეგმონ.
