საქართველოს 19-წლამდელთა ნაკრების მეტოქეები ევრო 2025-ის ელიტრაუნდში ცნობილია. წილისყრის შედეგად გაირკვა 7 ჯგუფის შემადგენლობა, ხოლო მათი გამარჯვებულები ევროპის ჩემპიონატის ფინალურ ეტაპზე ითამაშებენ. მასპინძელი რუმინეთი შეჯიბრებაზე უკვე დაშვებულია.

საქართველოს ნაკრებმა მე-9 შესარჩევ ჯგუფში ნორვეგიასთან, შვედეთსა და ესტონეთთან დაპირისპირებაში მეორე ადგილი დაიკავა და მე-4 კალათაში იყო განთესილი. ელიტრაუნდში ჩვენი გუნდი მე-2 ჯგუფში, პოლონეთთან, სლოვაკეთსა და მონტენეგროსთან ერთად მოხვდა.

მინიტურნირის მასპინძელი ქვეყანა მოგვიანებით გაირკვევა. თუმცა ცნობილია ჩვენი გუნდის თამაშების განრიგი.

19 მარტი, საქართველო – პოლონეთი

22 მარტი, საქართველო – სლოვაკეთი

25 მარტი, საქართველო – მონტენეგრო

ელიტრაუნდის ჯგუფები:

ჯგუფი 1: დანია, ავსტრია, უნგრეთი, ისლანდია

ჯგუფი 2: პოლონეთი, სლოვაკეთი, მონტენეგრო, საქართველო

ჯგუფი 3: ნიდერლანდები, ჩეხეთი, ლუქსემბურგი, ხორვატია

ჯგუფი 4: ნორვეგია, სერბეთი, ისრაელი, ბელგია

ჯგუფი 5: იტალია, საფრანგეთი, ესპანეთი (მოქმედი გამარჯვებული), ლატვია

ჯგუფი 6: გერმანია, ირლანდიის რესპუბლიკა, ფინეთი, სლოვენია

ჯგუფი 7: პორტუგალია, ინგლისი, უელსი, თურქეთი

ევროპის ჩემპიონატი 19-წლამდე ფეხბურთელთა შორის 2025 წლის 13 ივნისს დაიწყება და 26 ივნისს დასრულდება.