... ... hotnews.ge - სპორტი

თოფურია საჩემპიონო ქამრის დასაცავად სექტემბრისთვის მზად იქნება

UFC-ის პირველმა ქართველმა ჩემპიონმა, ილია თოფურიამ MMA-ის შესახებ ერთ-ერთ ყველაზე ცნობილ გადაცემაში, The MMA Hour-ში სამომავლო გეგმების შესახებ ისაუბრა.

როგორც ქვემსუბუქი წონის 27 წლის ჩემპიონი აცხადებს, ქამრის დასაცავად მზად, სავარაუდოდ, მიმდინარე წლის სექტემბრისთვის იქნება.

„შემდეგი ბრძოლისთვის, სავარაუდოდ, სექტემბრისთვის მზად ვიქნები. დიდი ალბათობით, საჩემპიონო ქამარს ლას ვეგასში დავიცავ. რაც შეეხება ესპანეთში ბრძოლას, ეს ყველაფერი 2025 წლის დასაწყისისთვის იგეგმება.

ჩემი მეტოქე მაქს ჰოლოუეი იქნება. გავხდები პირველი მებრძოლი, ვინც მას ნოკაუტით დაამარცხებს, შემდეგ კი UFC-ის ესპანეთში მივიწვევ. ყველაფერს გავაკეთებ, რათა ბრძოლა „სანტიაგო ბერნაბეუზე“ შედგეს, უბრალოდ, ეს დროის ამბავია“, – განაცხადა ილია თოფურიამ.

შეგახსენებთ, რომ მიმდინარე წლის თებერვალში თოფურიამ UFC-ის ქვემსუბუქი წონის საჩემპიონო ქამარი ალექსანდრ ვოლკანოვსკის დამარცხების შემდეგ მოიპოვა.

ზიდანი მწვრთნელობას „ბაიერნში“ უბრუნდება

მას შემდეგ, რაც 2021 წელს, ზინედინ ზიდანი მადრიდის „რეალის“ მთავარი მწვრთნელის პოსტიდან საკუთარი ნებით წავიდა, უმუშევარია. თუმცა, გასულ კვირას განაცხადა, რომ ზაფხულში სამწვრთნელო საქმიანობას დაუბრუნდება და უდიდესი ალბათობით, გერმანიის ყველაზე ტიტულოვან კლუბს, „ბაიერნს“ ჩაიბარებს. მიუნხენურ გრანდს ამჟამად ტომას ტუხელი წვრთნის, მაგრამ მის ხელში, გუნდმა ჩემპიონობა ვერ შეინარჩუნა და საეჭვოა, ჩემპიონთა ლიგაზე გააკეთოს რამე. გერმანული მედიის ინფორმაციით, მიუნხენური გრანდის მესვეურები ზიდანს უკვე დაუკავშირდნენ და ის გერმანელთა შეთავაზებას აუცილებლად განიხილავს.

იმავე გერმანული მედიის ცნობით, „ბაიერნის“ მესვეურები მხოლოდ ზიდანის პასუხს არ ელოდებიან და მოლაპარაკებებს ჟოზე მაურინიოსთანაც აწარმოებენ, მაგრამ თუ ფრანგი თანხმობას იტყვის, მას ამ პოსტზე კონკურენტი არ ეყოლება.

 

ავტორი: ბათო ჯაფარიძე

"საქართველოს გზა ევროპაშია" - ფეხბურთელების პოზიცია

სამი დღეა თბილისში საპროტესტო აქცია მიმდინარეობს. მოქალაქეები 15 აპრილს დილიდან პარლამენტის შენობასთან შეიკრიბნენ, რათა პარლამენტის იურიდიულ საკითხთა კომიტეტში „უცხოელი აგენტების“ შესახებ კანონპროექტის განხილვის დაწყებასთან ერთად ე.წ. „რუსული კანონი“ გააპროტესტონ. აქციის მონაწილეებს ხელში უკავიათ ბანერები წარწერით: „არა რუსულ კანონს“

ამ თემასთან დაკავშირებით საქართველოს ნაკრების გუნდის წევრები ინსტაგრამ სთორის სახით საკუთარ პოზიციას აფიქსირებენ...

ფეხბურთელების კომენტარები იხილეთ აქ:

კრიშტიანო რონალდო ორმატჩიანი დისკვალიფიკაციით დაისჯება

საუდის არაბეთის ლიგის სადისციპლინო კომიტეტი კრიშტიანო რონალდოს ორმატჩიანი დისკვალიფიკაციით დასჯის.

ქვეყნის სუპერთასის ნახევარფინალში „ალ-ჰილალმა“ 2:1 დაამარცხა „ალ-ნასრი“. 86-ე წუთზე შეხვედრის მთავარმა არბიტრმა კრიშტიანო რონალდოს წითელი ბარათი უჩვენა იმის გამო, რომ მეტოქეს სახეში ჩაარტყა. ამის შემდეგ პორტუგალიელმა მსაჯს მუშტი მოუღერა.

სადისციპლინო კომიტეტმა შეისწავლა რონალდოს მიერ წარმოდგენილი ახსნა-განმარტება და „ალ-ნასრის“ ფეხბურთელის ორი მატჩით დისკვალიფიკაცია გადაწყვიტა.

ასე რომ, კრიშტიანო რონალდო გამოტოვებს საუდის არაბეთის ჩემპიონატის ორ უახლოეს შეხვედრას – 19 და 27 აპრილს.

UEFA-ს პორტალზე ქართველი გულშემატკივრებისთვის განკუთვნილი ბილეთების გაყიდვა დღეიდან დაიწყება

UEFA-ს ბილეთების პორტალზე ქართველი გულშემატკივრებისთვის განკუთვნილი ბილეთების რეალიზაცია დღეს, 15 აპრილს, 13:00 საათზე დაიწყება.

ბილეთების შეძენა შესაძლებელი იქნება მითითებულ ბმულზე.

ცნობისთვის, საქართველოს ნაკრებმა საბერძნეთის ნაკრები თერთმეტმეტრიანების სერიაში დაამარცხა და პირველად ისტორიაში ევროპის ჩემპიონატზე გავიდა.

 

სად, როდის და რა ფასად შეძლებთ Euro2024-ის ბილეთების შეძენას? - სფფ-ის ინსტრუქცია

საქართველოს ფეხბურთის ფედერაცია უეფას 2024 წლის ევროპის ჩემპიონატზე, საქართველოს ეროვნული ნაკრების თამაშებზე დასასწრებად, ბილეთების შეძენის ინსტრუქციას აქვეყნებს.

ქართველი გულშემატკივრებისთვის ბილეთების გაყიდვა UEFA-ს ოფიციალურ ვებგვერდზე 15 აპრილს, თბილისის დროით 13:00 საათზე დაიწყება.

"ქართველი გულშემატკივრებისთვის ევროპის ჩემპიონატის ბილეთების შეძენა უეფას ბილეთების პორტალზე იქნება შესაძლებელი - https://www.uefa.com/euro2024/ticketing/

პორტალზე შესასვლელად საჭიროა შექმნათ პირადი გვერდი ან ასეთის არსებობის შემთხვევაში გაიაროთ ავტორიზაცია. მომხმარებლის სრულყოფილი პროფილის შესაქმნელად დაგჭირდებათ საიტზე არსებული აუცილებელი ველების შევსება: სახელი, გვარი, დაბადების თარიღი, პირადი ნომერი ან პასპორტის ნომერი, საცხოვრებელი მისამართი, მობილური ტელეფონის ნომერი და ელ-ფოსტის მისამართი.

ბილეთების გაყიდვის პროცესის დაწყებისას უეფას პორტალი მოგანიჭებთ რიგის ნომერს. რიგი ჩაირთვება 15 აპრილს, თბილისის დროით 13:00 საათზე. ერთ მომხმარებელს საქართველოს ეროვნული ნაკრების ჯგუფური ეტაპის თითოეულ მატჩზე 2 ბილეთის შეძენის შესაძლებლობა ექნება".

რაც შეეხება ბილეთების ღირებულებას, პორტალზე ხელმისაწვდომი იქნება ოთხი კატეგორიის ბილეთი:

პირველი კატეგორია - 200 ევრო
მეორე კატეგორია - 150 ევრო
მესამე კატეგორია - 60 ევრო
მეოთხე კატეგორია - 30 ევრო
ბილეთების შეძენა როგორც alipay-ის ელექტრონული საფულით, ისე Visa და Mastercard-ის საბანკო ბარათებით, დამატებითი მოსაკრებელის გარეშე იქნება შესაძლებელი.

"სასურველი ბილეთის შერჩევისა და შესყიდვის განსახორციელებლად, თითოეულ მომხმარებელს 15 წუთი აქვს. საბანკო ოპერაციის დასრულების შემდეგ, ბილეთის შეძენის დამადასტურებელი წერილი თქვენი პირადი პროფილის შესაბამის განყოფილებაში აისახება და თქვენს მიერ მითითებულ პირად ელ-ფოსტაზე გამოიგზავნება. თამაშის ბილეთს, მოგვიანებით, მატჩამდე რამდენიმე დღით ადრე მიიღებთ".

საქართველოს ეროვნული საფეხბურთო ნაკრები ევროპის ჩემპიონატის ჯგუფურ ეტაპზე სამ შეხვედრას გამართავს. 18 ივნისს დორტმუნდში, ნაკრები თურქეთს დაუპირისპირდება. 22 ივნისს, ჰამბურგში, საქართველოს ნაკრების მეტოქე ჩეხეთი იქნება. ჯგუფური ეტაპის დასკვნით შეხვედრას გუნდი 26 ივნისს, გელზენკირხენში, პორტუგალიის წინააღმდეგ გამართავს.

 

როდის დაიწყება საქართველოს ნაკრების გულშემატკივრებისათვის ევრო 2024-ის ბილეთების გაყიდვა ?

უეფას 2024 წლის ევროპის ჩემპიონატის ბილეთების გაყიდვა საქართველოს ეროვნული ნაკრების გულშემატკივრებისათვის 15 აპრილს, თბილისის დროით 13:00 საათზე დაიწყება. ინფორმაციას ამის შესახებ საქართველოს ფეხბურთის ფედერაცია ავრცელებს.

ქართველი გულშემატკივრებისთვის ევროპის ჩემპიონატის ბილეთების შეძენა უეფას ბილეთების პორტალზე იქნება შესაძლებელი.

პორტალზე შესასვლელად საჭიროა შექმნათ პირადი გვერდი ან ასეთის არსებობის შემთხვევაში გაიაროთ ავტორიზაცია. მომხმარებლის სრულყოფილი პროფილის შესაქმნელად დაგჭირდებათ საიტზე არსებული აუცილებელი ველების შევსება: სახელი, გვარი, დაბადების თარიღი, პირადი ნომერი ან პასპორტის ნომერი, საცხოვრებელი მისამართი, მობილური ტელეფონის ნომერი და ელ-ფოსტის მისამართი.

ბილეთების გაყიდვის პროცესის დაწყებისას უეფას პორტალი მოგანიჭებთ რიგის ნომერს. რიგი ჩაირთვება 15 აპრილს, თბილისის დროით 13:00 საათზე. ერთ მომხმარებელს საქართველოს ეროვნული ნაკრების ჯგუფური ეტაპის თითოეულ მატჩზე 2 ბილეთის შეძენის შესაძლებლობა ექნება.

პორტალზე ხელმისაწვდომი იქნება ოთხი კატეგორიის ბილეთი:

პირველი კატეგორია - 200 ევრო
მეორე კატეგორია - 150 ევრო
მესამე კატეგორია - 60 ევრო
მეოთხე კატეგორია - 30 ევრო

ბილეთების შეძენა შეგიძლიათ როგორც Alipay-ის ელექტრონული საფულით, ისე საბანკო ბარათებით (VISA ან Mastercard). ბილეთის ფასს ბანკის მოსაკრებელი არ ემატება.

სასურველი ბილეთის შერჩევისა და შესყიდვის განსახორციელებლად, თითოეულ მომხმარებელს 15 წუთი აქვს. საბანკო ოპერაციის დასრულების შემდეგ, ბილეთის შეძენის დამადასტურებელი წერილი თქვენი პირადი პროფილის შესაბამის განყოფილებაში აისახება და თქვენს მიერ მითითებულ პირად ელ-ფოსტაზე გამოიგზავნება. თამაშის ბილეთს, მოგვიანებით, მატჩამდე რამდენიმე დღით ადრე მიიღებთ.

საქართველოს ეროვნული საფეხბურთო ნაკრები ევროპის ჩემპიონატის ჯგუფურ ეტაპზე სამ შეხვედრას გამართავს. 18 ივნისს დორტმუნდში, ჩვენი გუნდი თურქეთის ნაკრებს დაუპირისპირდება. 22 ივნისს, ჰამბურგში, საქართველოს ნაკრების მეტოქე ჩეხეთი იქნება. ჯგუფური ეტაპის დასკვნით შეხვედრას ჩვენი გუნდი 26 ივნისს, გელზენკირხენში, პორტუგალიის წინააღმდეგ გამართავს.

"ყოველდღე მენატრება ჩემი სახლი, მაგრამ ახლა ვგრძნობ, რომ ჩემი სახლი იტალიაშიც არის" - ხვიჩა კვარაცხელიას ახალი ვიდეო

იტალიის საფეხბურთო კლუბი "ნაპოლი" ქართველი ფეხბურთელის, ხვიჩა კვარაცხელიას  ვიდეოს აქვეყნებს.

"ყოველდღე მენატრება ჩემი სახლი, მაგრამ ახლა ვგრძნობ, რომ ჩემი სახლი იტალიაშიც არის. ამ ქალაქში ფეხბურთით ცხოვრობენ. ისინი ბედნიერები არიან, როცა ფეხბურთს უყურებენ. ეს ისეთი განსხვავებული რამაა, რასაც სხვაგან ვერ ნახავ. ჩემთვის ფეხბურთი ჩემი ცხოვრებაა, მე ძალიან მადლიერი ვარ", - ამბობს ხვიჩა კვარაცხელია.

ახალგაზრდა „ბორჯღალოსნებმა“ იტალიაში 6 ერი დაგვანახეს

მოგეხსენებათ, წლებია, საქართველოს მორაბეთა ნაკრები ამაოდ ცდილობს დაამტკიცოს, რომ 6 ერზე ასპარეზობას იმსახურებს. ევროპის რაგბის კავშირი ამტკიცებს, რომ ქართველები ამისთვის მზად არ არიან და აგერ, შანსი 18-წლამდელებს მისცეს. იტალიაში გამართულ „6 ერის ფესტივალზე“, საქართველოს ნაკრების მეტოქეები საფრანგეთი, შოტლანდია და ინგლისი იყვნენ. სპეციალისტების აზრით, სამივე ნაკრებთან, უმცროსი „ბორჯღალოსნები“ უშანსოდ დამარცხდებოდნენ, მაგრამ ქართველებმა ფრანგებს მოუგეს, შოტლანდიას და ინგლისს კი ტოლ-სწორად ეთამაშნენ და დასანანი მარცხი იწვნიეს.

„ის, რაც ქართველებმა გააკეთეს, სასწაული იყო და არავინ ელოდა. 18-წლამდელთა თაობამ დაგვანახა, რომ ისინი 6 ერისთვის მზად არიან და 2-3 წელიწადში, ამ ბიჭებს, დიდ ნაკრებში დაუძახებენ, რაც იმას ნიშნავს, რომ ისინი მარტივად შეძლებენ, 6 ერის ყველა წარმომადგენელს ღირსეული წინააღმდეგობა გაუწიონ. ამიტომ, დროა, ევროპული რაგბის კავშირი დაფიქრდეს და საქართველო 6 ერში მიიღოს“, - წერს ევროპული მედია და თუ ასე მოხდება, ეს ქართული რაგბისთვის უდიდესი წინსვლა იქნება, ისეთი, როგორიც აქამდე, პრაქტიკულად, არ გვქონია.

ავტორი: ბათო ჯაფარიძე

თოფურია მესის შეხვდა

MMA-ს ქართველი ჩემპიონი, ილია თოფურია ამერიკაში იმყოფება. ის შტატებში ყველაზე პოპულარული კლუბის, „ინტერ მაიამის“ ბაზას ეწვია და ამ გუნდის ლეგენდებს - ლიონელ მესის, ხორდი ალბას, ლუის სუარესს და სერხიო ბუსკეტს შეხვდა. მოგეხსენებათ, აღნიშნული კლუბის მფლობელი დევიდ ბექჰემია, ხოლო კარიერის დასრულების შემდეგ, აქციების 10%-ს ლიონელ მესიც მიიღებს.

„მესისთან შეხვედრა ოცნება იყო. ეს ადამიანი ლეგენდაა და ჩემთვის მისაბაძი მაგალითია“, - დაწერა ქართველმა მებრძოლმა სოციალურ ქსელში.

ავტორი: ბათო ჯაფარიძე

ხვიჩა კვარაცხელია საგოლე პასით დაბრუნდა - „ნაპოლიმ“ „მონცას“ მოუგო და ევროზონას მიუახლოვდა

ხვიჩა კვარაცხელია მცირე ტრავმის შემდეგ მოედანს დაუბრუნდა, „ნაპოლი“ კი სერია A-ში „მონცას“ დაუპირისპირდა და მეორე ტაიმში ნაჩვენები კარგი ფეხბურთის ხარჯზე 4:2 გაიმარჯვა.

იტალიის ჩემპიონატის 31-ე ტურის შეხვედრაში საქართველოს ნაკრების ლიდერი ძირითად შემადგენლობაში იყო და 68 წუთი ითამაშა. ხვიჩამ პირველ ტაიმში სცადა გატანა, მაგრამ მცველები გადაეფარნენ და მისი დარტყმა დაბლოკეს.

„მონცა“ მე-9 წუთზე ბოსნიელი თავდამსხმელის, მილან ჯურიჩის გოლით დაწინაურდა. „ნაპოლის“ მე-40 წუთზე ანგარიშის გათანაბრების მშვენიერი შანსი მიეცა – ვიქტორ ოსიმენმა მეკარესთან იბრძოლა, ბურთი კვარაცხელიასთან მივიდა, მაგრამ მისი დარტყმა მიკელე დი გრეგორიომ მოიგერია და მასპინძლები გადაარჩინა.

მეორე ტაიმში „ნაპოლიმ“ თამაში შემოატრიალა. 55-ე წუთზე ოსიმენი მაღლა ახტა და შესანიშნავი თავური დარტყმით ანგარიში გაათანაბრა, ორ წუთში მატეო პოლიტანომ ნეაპოლელები დააწინაურა, ხოლო 61-ე წუთზე კვარაცხელიას ასისტით პიოტრ ჟელინსკიმ სტუმართა უპირატესობა კიდევ უფრო გაზარდა.

მართალია, ანდრეა კოლპანიმ (62) სხვაობა შეამცირა, თუმცა ჯაკომო რასპადორიმ (68) „ნაპოლის“ ორბურთიანი სხვაობა აღადგინა და საბოლოო ანგარიში დააფიქსირა.

„ნაპოლიმ“ სერია A-ში გამართული 31 ტურის შემდეგ 48 ქულა დააგროვა და ევროზონასთან ჩამორჩენა ორ ქულამდე შეამცირა, ხოლო ჩემპიონთა ლიგამდე 10 ქულა აშორებს. ხვიჩა კვარაცხელიას ანგარიშზე კი 10 გოლი და 4 საგოლე გადაცემაა.

UFC-ის ჩემპიონი ჯონ ჯონსი პოლიციამ დააკავა

მძიმე წონაში UFC-ის მოქმედი ჩემპიონი ჯონ ჯონსი მორიგ სკანდალში გაეხვია. ამერიკულ პრესაში გავრცელებული ინფორმაციით, ჩემპიონი ალკოჰოლის ზემოქმედების ქვეშ იყო, როცა დოპინგტესტის ოფიცერს მოკვლით დაემუქრა და მობილური ტელეფონი წაართვა. ქალაქ ალბუკერკეს პოლიცია მომხდარ ფაქტს იძიებს.

აღსანიშნავია, რომ ჯონ ჯონსს წარსულშიც არაერთხელ დაურღვევია კანონი და დოპონგტესტების ჩატარებაზეც ხშირად ამბობდა უარს.

ჯონ ჯონსს 27 ორთბრძოლა აქვს მოგებული და მხოლოდ ერთხელ დამარცხდა. თუმცა ჯონსი რეალურად არავის დაუმარცხებია და სტატისტიკის გრაფაში ერთადერთი წაგება დისკვალიფიკაციის გამო აქვს.