... ... hotnews.ge - ეკონომიკა

ივნისში, ხაჭაპურის მომზადების ხარჯები კვლავ გაიზარდა

ISET-ის ინფორმაციით, 2024 წლის ივნისში, სტანდარტული იმერული ხაჭაპურის მომზადების ღირებულებამ 6 ლარი შეადგინა - სამთვიანი კვლევის შედეგად დადგინდა, რომ ივნისში ინდექსი, წინა თვესთან შედარებით, 2.9%-ით გაიზარდა.

ორგანიზციის ცნობით, 2023 წლის ივნისთან შედარებით, ინდექსი ზრდამ 6.8% შეადგინა.

2023 წლის ივნისთან შედარებით, ამ თვეში ხაჭაპურის ყველა ინგრედიენტი გაძვირდა, გარდა კვერცხისა, რომლის ფასიც უმნიშვნელოდ (-1.7%) შემცირდა. მნიშვნელოვნად გაიზარდა კარაქის (+18.1%), რძის (+16.2%), საფუარის (+14.9%) და ყველის (+7.2%) ფასები, ხოლო ფქვილი 1.4%-ით გაძვირდა. რძის პროდუქტების ფასების ასეთი ცვლილება შეიძლება საერთაშორისო ფასების ზრდით იყოს განპირობებული. FAO-ის რძის პროდუქტების ფასის ინდექსის თანახმად, რომელიც წლიურ ჭრილში 6.5%-ით გაიზარდა, ყველაზე მნიშვნელოვნად კარაქის ფასი შეიცვალა და 35.8%-იანი ზრდა დააფიქსირა. როგორც უკვე აღინიშნა, ივნისში ხაჭაპურის ინდექსი თვიურ ჭრილშიც გაიზარდა, რაც მეტწილად ყველის გაძვირებამ (+5.2%) გამოიწვია.

ყველი ყველაზე მეტად ქუთაისში გაძვირდა: წლიურად – 19%-ით, თვიურად – 17%-ით. იქიდან გამომდინარე, რომ იმერეთი ქვეყნის უმსხვილესი ყველის მწარმოებელი რეგიონია, როგორც წესი, ფასების სეზონური ცვლილება ყველაზე შესამჩნევი სწორედ ქუთაისშია. აღნიშნული გვაფიქრებინებს, რომ ხაჭაპურის ინდექსის ზრდა მომავალშიც გაგრძელდება, რადგან ქუთაისში ყველის ფასების ზრდა სავარაუდოდ ქვეყნის სხვა რეგიონებზეც გავრცელდება," - წერს ISET-ი. 

"1992-2020 წლებში აშშ-ის დახმარებამ $4,4 მილიარდი შეადგინა, EU-მ კი 2021-2023 წლებში $63 მილიონი გამოგვიყო"- "ფლანგვის დეტექტორი"

"1992-2020 წლებში აშშ-ის დახმარებამ 4,4 მილიარდი დოლარი შეადგინა, EU-მ კი 2021-2023 წლებში 63 მილიონი გამოგვიყო", - ამის შესახებ სტატიას "ფლანგვის დეტექტორი" ავრცელებს, სათაურით: "რუსული კანონი მილიარდებს გვაკარგინებს".

2024 წელს EU-მა 30 მილიონი ევროს დახმარება გაყინა, რისი მიზეზიც ე.წ. რუსული კანონის მიღება და ხელისუფლების ანტიდასავლური რიტორიკა იყო. 

ამავე მიზეზით, აშშ-მა, ერთობლივი სამხედრო წვრთნები „ღირსეული პარტნიორი“ განუსაზღვრელი დროით გადადო.

2021-2023 წლებში ევროკავშირმა ევროპული სამშვიდობო ფონდის ფარგლებში საქართველოსთვის 62.75 მილიონი ევროს ოდენობის დახმარება გამოყო. 

აშშ-ს 1992-2020 წლებში $4.4 მილიარდის საგარეო და სამხედრო დახმარება აქვს საქართველოსთვის გამოყოფილი. 

გრძელვადიანი მშვიდობის მისაღწევად ევროკავშირში და ნატოში ინტეგრაციის გარდა, ე.წ. რუსული კანონი საქართველოს მილიარდობით დოლარს აკარგინებს, - წერს ორგანიზაცია.

უცხოური ვალუტის ოფიციალური კურსი 13 ივლისისთვის

საქართველოს ეროვნული ბანკის მიერ გამოქვეყნებული მონაცემების თანახმად, 13 ივლისისთვის ერთი ამერიკული დოლარი 2.7274 ლარი ეღირება, ევრო – 2.9696 ლარი, ხოლო ბრიტანული გირვანქა სტერლინგი – 3.5336 ლარი.

დღეს კი, ოფიციალური კურსით, ერთი ამერიკული დოლარი 2.7233 ლარი ღირდა, ევრო – 2.9540 ლარი, ხოლო ბრიტანული გირვანქა სტერლინგი – 3.5065 ლარი.

დღევანდელი ვაჭრობის შედეგად მიღებული კურსი ხვალ, 13 ივლისს ამოქმედდება.

სანქციები მკაცრდება! - რა შემთხვევაში დაჯარიმდება მოქალაქე 1000-დან 100 000 ლარამდე

უკანონო თევზჭერასა და ზღვის დაბინძურებაზე სანქციები მკაცრდება. საქართველოს სისხლის სამართლის კოდექსში შესული ცვლილების მიხედვით, ელექტროდენით, ელექტროიარაღით, სხვა აკრძალული იარაღით, ასაფეთქებელი, ასევე მომწამლავი ნივთიერებით, თევზის ან წყლის სხვა ცოცხალი ორგანიზმის მასობრივი განადგურების სხვა საშუალებით, დაისჯება საზოგადოებისათვის სასარგებლო შრომით, ვადით 320-იდან 400 საათამდე, ანდა თავისუფლების აღკვეთით ვადით ორიდან ოთხ წლამდე.

აღნიშნული კანონი მიმდინარ წლის 1-ლი ოქტომბრიდან ამოქმედდება, ისევე როგორც საქართველოს ადმინისტრაციულ სამართალდარღვევათა კოდექსში შესული ცვლილება. 

საუბარია, გემიდან, სხვა მცურავი საშუალებიდან, პლატფორმიდან, მილსადენიდან ან ზღვაში ხელოვნურად აგებული სხვა კონსტრუქციიდან, საქართველოს კანონმდებლობით დადგენილი წესის დარღვევით, ზღვაში მავნე, დამაბინძურებელი ნივთიერებების, საწარმოო, ტექნიკური ან სხვა სახის ნარჩენების ან/და მასალის ჩაღვრაზე, რაც გამოიწვევს დაჯარიმებას 100 000 ლარის ოდენობით.

გარდა ამისა, სამოქალაქო ბრუნვაში დაშვებული თევზმიმზიდი ელექტროშოკური მოწყობილობის მართლსაწინააღმდეგო შეძენა, შენახვა, ტარება, გადაცემა ან გასხვისება − გამოიწვევს დაჯარიმებას 1 000 ლარის ოდენობით, სამართალდარღვევის იარაღის კონფისკაციით. აღნიშნულის განმეორებით ჩადენა კი 2 000 ლარის ოდენობის ფულად სანქციასა და სამართალდარღვევის იარაღის კონფისკაციას ითვალისწინებს.

ცვლილებების მიხედვით, თევზჭერის ელექტროიარაღის დამზადება, შეძენა, შენახვა, ტარება, გადატანა, გადაგზავნა ან გასაღება − გამოიწვევს დაჯარიმებას 3 000 ლარის ოდენობით, სამართალდარღვევის იარაღის კონფისკაციით. ხოლო, განმეორებით ჩადენა - 6 000 ლარის ოდენობით, სამართალდარღვევის იარაღის კონფისკაციით.

თავი აარიდა ბიუჯეტის სასარგებლოდ 1 524 223 ლარის გადახდას - დაკავებულია 1 პირი

ფინანსთა სამინისტროს საგამოძიებო სამსახურის განცხადებით, განსაკუთრებით დიდი ოდენობით გადასახადისათვის განზრახ თავის არიდების ფაქტზე, ერთი პირი დააკავეს.

"გამოძიებით დადგინდა, რომ ბრალდებული, რომელიც იყო ერთ-ერთი კომპანიის დირექტორი და ფაქტობრივი მფლობელი, უკანონო მატერიალური სარგებლის მიღების მიზნით, საგადასახადო კანონმდებლობის დარღვევით, სისტემატურად ახდენდა შემოსავლების არასწორ დეკლარირებას, რა გზითაც, მან განზრახ თავი აარიდა სახელმწიფო ბიუჯეტის კუთვნილ ძირითად გადასახადს - 1 524 223 ლარის ოდენობით",- წერია უწყების განცხადებაში.

გამოძიება მიმდინარეობს საქართველოს სისხლის სამართლის კოდექსის 218-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 5- დან 8 წლამდე ვადით.

"ლარის კურსი ძალიან მალე დაუბრუნდა პრაქტიკულად პირვანდელ ნიშნულს" - ირაკლი კობახიძე

სწრაფი ეკონომიკური ზრდის, ასევე ეფექტიანი მართვის პოლიტიკის წყალობით, ლარის კურსი ძალიან მალე დაუბრუნდა პირვანდელ ნიშნულს, ამისთვის განსაკუთრებით მადლობა საქართველოს ეროვნულ ბანკს და ნათია თურნავას, - ამის შესახებ საქართველოს პრემიერ-მინისტრმა, ირაკლი კობახიძემ მთავრობის დღევანდელ სხდომაზე განაცხადა. 

 

როგორც მთავრობის მეთაურმა აღნიშნა, ეკონომიკისთვის ძალიან მნიშვნელოვანია ეროვნული ვალუტის სტაბილურობა.

 

„როგორც მოგეხსენებათ, ჩვენ გვქონდა მოკლევადიანი რყევა გარკვეული პერიოდის განმავლობაში, რაზეც ჩვენი ოპოზიცია დიდ იმედებს ამყარებდა, თუმცა სწრაფი ეკონომიკური ზრდის წყალობით, ასევე ეფექტიანი მართვის პოლიტიკის წყალობით, ლარის კურსი ძალიან მალე დაუბრუნდა პრაქტიკულად პირვანდელ ნიშნულს, ამისთვის განსაკუთრებით მადლობა მინდა, გადავუხადო საქართველოს ეროვნულ ბანკს, პირადად ნათია თურნავას, რომელმაც ეფექტიანად მართა ეს პროცესი და საბოლოო ჯამში უზრუნველყო ეროვნული ვალუტის სტაბილურობა. 

 

ყველას გახსოვთ, როგორ ცდილობდნენ თავის დროზე ოპოზიცია და მათი მფარველები, მეგობრები საქართველოს ეროვნული ბანკის დაკომპლექტებას საკუთარი კადრებით. არც მინდა წარმოვიდგინო, რა მოხდებოდა იმ შემთხვევაში, თუ დღეს ეროვნული ბანკი იქნებოდა დაკომპლექტებული სწორედ ოპოზიციის კადრებით. ჩვენ გვახსოვს ასეთი პროცესები წინა წლებიდან და ამის გამეორებას ვერ დავუშვებდით. გვაქვს სწრაფი ეკონომიკური ზრდა, წინასწარი მონაცემებით, ივნისში ასევე დაფიქსირდება ზრდის მაღალი მაჩვენებელი. გვაქვს ძალიან კარგი ტენდენციები, ველოდებით, ძალიან კარგ ტურისტულ სეზონს. არსებული პირველი ორი კვარტლის მონაცემები არის კარგი და დამაიმედებელი. ასეთ პირობებში გვაქვს ყველანაირი წინაპირობა, რომ წელს შარშანდელზე უკეთესი ეკონომიკური მაჩვენებლები დაფიქსირდეს“, - განაცხადა ირაკლი კობახიძემ.

"519 მლნ ლარით შეგვიძლია გავზარდოთ წლევანდელი ბიუჯეტი" - პრემიერი

პირველი ორი კვარტლის განმავლობაში ჩვენ გვქონდა მაღალი ეკონომიკური ზრდა და ასევე, ფისკალური კონსოლიდაციის მაღალი მაჩვენებელი, -  ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა.

მთავრობის მეთაურის თქმით, ეს ყველაფერი იძლევა ბიუჯეტის გაზრდის საშუალებას. 

„მთლიანობაში, 519 მლნ ლარით შეგვიძლია გავზარდოთ წლევანდელი ბიუჯეტი. უკვე გვქონდა მსჯელობა ამ თანხის სავარაუდო განაწილებასთან დაკავშირებით და ვფიქრობთ, რომ ეს თანხები განაწილდება შემდეგი სახით: 115 მილიონით გაიზრდება ჯანდაცვის სამინისტროს ბიუჯეტი, 100 მილიონი დაემატება თავდაცვის სამინისტროს, 80 მილიონი - განათლების, მეცნიერების და ახალგაზრდობის სამინისტროს, 33 მილიონით გაიზრდება კულტურის და სპორტის სამინისტროს ბიუჯეტი, 10 მილიონი დაემატება შინაგან საქმეთა სამინისტროს, 10 მილიონი - რეგიონულ განვითარებას და ინფრასტრუქტურას,  6 მილიონით გაიზრდება საგარეო საქმეთა სამინისტროს ბიუჯეტი, ცესკოს დაემატება 3 მილიონი ლარი, 60 მილიონი ლარით გაიზრდება სტიქიის სალიკვიდაციო ღონისძიების ბიუჯეტი და 102 მილიონი დამატებით გადაეცემა მუნიციპალიტეტებს. ასეთი არის შემოთავაზებული განაწილება, რის მიხედვითაც მომავალში ვიმოქმედებთ“, -  აღნიშნა პრემიერმა.

სასულიერო აკადემიასა და სემინარიას მთავრობა ბიუჯეტიდან ₾200 000 დაეხმარება

სახელმწიფო ბიუჯეტიდან საქართველოს სამოციქულო მართლმადიდებელი ეკლესიის სასულიერო აკადემიასა და სემინარიას მთავრობა 200 000 ლარით დაეხმარება.

პრემიერის მიერ დღეს ხელმოწერილ განკარგულებაში არ წერია მიზნობრიობა. წერია მხოლოდ ის, რომ თანხა უნდა მოხმარდეს უმაღლესი საგანმანათლებლო დაწესებულებების ხელშეწყობის პროგრამას.

საპატრიარქოს დაფინანსება 60 მილიონამდე მიმდინარე წლის მარტში გაიზარდა. დოკუმენტის თანახმად, მთავრობამ განათლების სამინისტროს დაავალა, ზოგადსაგანმანათლებლო სკოლების დაფინანსების ფარგლებში გამოყოფილი თანხიდან 35 მლნ ლარი მიმართოს საქართველოს საპატრიარქოს მიერ დაფუძნებული დაწესებულებების ფინანსური დახმარების გასაწევად. ჩამონათვალში იყო თბილისის სასულიერო აკადემია და სემინარია, საპატრიარქოს სკოლები (გიმნაზიები), სკოლა-ინტერნატები, პროფესიული კოლეჯები და სხვ.

ხევსურეთში ახალი საოჯახო სასტუმრო „გრილო“ გაიხსნა - რა ღირს განთავსება?

ხევსურეთში, საოჯახო სასტუმრო „გრილომ“ სტუმრების მიღება დაიწყო. სტუმარმასპინძლობის ახალი ობიექტი სოფელ ხონისჭალაში, მუცოდან 3 კილომეტრში, შატილი-ომალოს დამაკავშირებელ ტურისტულ მარშრუტზე გაიხსნა და პირველ სტუმრებსაც უკვე უმასპინძლა.

საოჯახო სასტუმროს დამფუძნებელი ლუხუმ შეკეთაური BM.GE-სთან ამბობს, რომ ობიექტის მოწყობის იდეა რამდენიმე წლის წინ, ტურისტებიდან წამოსული მოთხოვნის საფუძველზე გაუჩნდათ და პროექტის განხორციელებისთვის, გასულ წელს სახელმწიფო სააგენტო „აწარამოე საქართველოში“-ს გრანტიც მოიპოვეს. ჯამში საოჯახო სასტუმროს მოსაწყობად 60 000 ლარი დაიხარჯა.

„სასტუმრო დაახლოებით 1 კვირაა რაც გავხსენით და სტუმრების მიღებაც დავიწყეთ. ის თუშეთ-ხევსურეთის ტურისტულ მარშრუტზე მდებარეობს. წლების განმავლობაში გვესმოდა, რომ სასტუმროში გაჩერება უნდოდათ, აქ კი ბევრი ასეთი ობიექტი არ არის, ამიტომ გადავწყვიტეთ იდეა სისრულეში მოგვეყვანა“, - აღნიშნავს ლუხუმ შეკეთაური.

საოჯახო სასტუმრო „გრილოში“ ერთი ღამით დარჩენა 60 ლარი ღირს და საფასურში საუზმეც შედის. 4-ოთახიან სასტუმროს ერთდროულად 16 ადამიანის მიღება შეუძლია. სურვილის შემთხვევაში მასპინძლები სტუმრებს მუცოსა და ადგილობრივ ტურისტულ ლოკაციებზე ტურებსაც სთავაზობენ. ლუხუმ შეკეთაური ელის რომ მათ სასტუმროზე მოთხოვნა უფრო მეტად უცხოელების მხრიდან იქნება, რადგან გასულ წლებში განთავსებაზე მოთხოვნა სწორედ უცხოელებში უფრო მეტად იყო. ახალი ობიექტი სულ მალე Booking.com-ზეც გამოჩნდება.

 

წყარო:bm.ge

ხარვეზები კიბოს სკრინინგის სახელმწიფო პროგრამებში

არც ისე დიდი ხანია, რაც 40-დან 70 წლამდე ასაკის ადამიანებს მოკლე ტექსტურ შეტყობინებას უგზავნიან და უფასო სკრინინგ-კვლევაზე იწვევენ. თუ თქვენი ასაკით ამ სამიზნე ჯგუფში ხართ, მსგავსი შინაარსის მესიჯს აუცილებლად მიიღებდით. ჰოდა, სახელმწიფო აუდიტის სამსახურმა შეისწავლა, რამდენად პროდუქტიული და საკმარისია კიბოს სკრინინგის პროგრამებში სამიზნე მოსახლეობის ჩართვის მიზნით განხორციელებული ღონისძიებები 2018-დან 2021 წლამდე პერიოდში. საქართველოში სკრინინგ-პროგრამებში სამიზნე მოსახლეობის ჩართულობის რეკომენდებულ მაჩვენებელთან მნიშვნელოვნად ჩამორჩენის მიზეზები იდენტიფიცირებული აქვთ შრომის, ჯანმრთელობისა და სოციალური დაცვის სამინისტროსა და კიბოს სკრინინგის პროგრამის განმახორციელებლებს. მათ მიერ არსებულ გამოწვევებზე საპასუხო ღონისძიებები ხორციელდება, თუმცა აუდიტის შედეგად გაირკვა, რომ ეს ღონისძიებები არ არის სისტემური, რეგულარული, კომპლექსური და სათანადოდ კოორდინირებული.

სახელმწიფო აუდიტის შედეგად გაირკვა, რომ კიბოს სკრინინგის პროგრამა იზოლირებულია სხვა სახელმწიფო პროგრამებისგან და არ არის განსაზღვრული სხვადასხვა დაინტერესებული მხარის ფუნქცია-მოვალეობები, სკრინინგის პროგრამაში მოსახლეობის ჩართვის მიმართულებით. შედეგად, პროგრამის ეფექტიანობის გასაზრდელად ოპტიმალურად არ გამოიყენება დაინტერესებული მხარეებისა და სხვა პროგრამების რესურსები...კითხვის გაგრძელება

ხარვეზები უნივერსიტეტების ავტორიზაციის პროცესში

სახელმწიფო აუდიტორებმაგამოავლინეს ხარვეზები, როგორც ავტორიზაციის საფასურის განსაზღვრაში, ასევე - შრომის ანაზღაურებაში და ინტერესთა კონფლიფქტიცკი.

ზოგადად, საგანმანათლებლო დაწესებულებების ავტორიზაცია განათლების ხარისხის უზრუნველყოფის გარე მექანიზმია, რომელსაც საქართველოს განათლებისა და მეცნიერების სამინისტროს დაქვემდებარებაშიარსებული საჯარო სამართლის იურიდიული პირი - „განათლების ხარისხის განვითარების ეროვნული ცენტრი“ ახორციელებს. ავტორიზაცია საგანმანათლებლოდაწესებულების სტატუსის მოპოვების პროცედურაა, რომლის მიზანია სახელმწიფოს მიერ აღიარებული განათლების დამადასტურებელი დოკუმენტის გასაცემად შესაბამისი საქმიანობის განხორციელებისათვის აუცილებელისტანდარტების დაკმაყოფილების უზრუნველყოფა.

სახელმწიფო აუდიტის შედეგად გაირკვა, რომ 2018-2021 წლებში, უმაღლესი საგანმანათლებლო დაწესებულებების ავტორიზაციის საფასურის სახით მიღებულმა შემოსავლებმა 1 966 967 ლარი შეადგინა. ახლა, ვნახოთ, რა დარღვევები გამოავლინეს სახელმწიფო აუდიტორებმა ავტორიზაციის საფასურის განსაზღვრაში:

სტატია სრულად იხილეთ აქ: 

გენერალური აუდიტორის წლიური ანგარიში პარლამენტში

2023 წელს, სახელმწიფო აუდიტის სამსახურმა ჩაატარა 51 აუდიტი, რითაც ჯამურად დაფარა ქვეყნის ნაერთი ბიუჯეტის 89%. გენერალურმა აუდიტორმა, ცოტნე ყავლაშვილმა პარლამენტის პლენარულ სხდომაზე, სახელმწიფო აუდიტის სამსახურის 2023 წლის საქმიანობის ანგარიში და 2023 წლის სახელმწიფო ბიუჯეტის შესრულების წლიური ანგარიშის შესახებ, სახელმწიფო აუდიტის სამსახურის მოხსენება წარადგინა.როგორც მომხსენებელმა, საქართველოს გენერალურმა აუდიტორმა განაცხადა, 2023 წელს, სახელმწიფო აუდიტის სამსახურმა 15 - ფინანსური, 24 - შესაბამისობის, 2 - უწყებათაშორისი ჰორიზონტალური შესაბამისობის და 10 - ეფექტიანობის აუდიტი ჩაატარა...

სტატია სრულად იხილეთ აქ: