... ... hotnews.ge - ყვითელი News

ამის გასაჯაროება არ გვინდოდა, რადგან... - იამალი ცნობილ ფოტოზე

უკანასკნელ დღეებში სოციალურ ქსელში ვირუსულად გავრცელდა 2007 წელს გადაღებული ფოტო, სადაც რამდენიმე თვის ლამინ იამალი ლიონელ მესისთან ერთადაა გამოსახული.

ამ ფოტოზე "ბარსელონას" სუპერტალანტს RAC1-თან ჩაწერილ ინტერვიუში ჰკითხეს.

"მესისთან არასდროს მილაპარაკია. ვისურვებდი, რომ მასთან საუბრის შანსი მქონოდა. ფოტოს გადაღების დროს ვერც ვიაზრებდი, რომ მესისთან ვიყავი.

პირველი, ვინც ამაზე მითხრა, მამაჩემი იყო.  რათა ლეოსა და ჩემი შედარება არ დაეწყოთ," - თქვა ლამინმა.

შეგახსენებთ, რომ იამალი 14 ივლისს ევროპის ჩემპიონატის ფინალში ითამაშებს. ესპანეთის ნაკრების მეტოქე ინგლისის ეროვნული გუნდი იქნება.

„მეტა“ დონალდ ტრამპის „ინსტაგრამისა“ და „ფეისბუქის“ ანგარიშებზე შეზღუდვებს მოხსნის

„მეტა“ დონალდ ტრამპის „ინსტაგრამისა“ და „ფეისბუქის“ ანგარიშებზე შეზღუდვებს მოხსნის. ამის შესახებ ინფორმაციას „ფოქს ნიუსი“ ავრცელებს. „მეტას“ სპიკერმა დაადასტურა, რომ კომპანია გააუქმებს ტრამპის ანგარიშებზე დაწესებულ აკრძალვებს, რომლებიც 2021 წლის იანვრიდან მოქმედებს.

კომპანიაში განაცხადეს, რომ ეს გადაწყვეტილება საპრეზიდენტო არჩევნების კანდიდატებს შორის თანასწორობის უზრუნველყოფის მიზნით მიიღეს „მეტას“ სპიკერის თქმით, შეზღუდვები მომავალ კვირაში მოიხსნება.

„ჩვენ გვჯერა, რომ ამერიკელ ხალხს უნდა შეეძლოს პრეზიდენტობის კანდიდატების მოსმენა“, – აღნიშნულია კომპანიის განცხადებაში.

ამასთან, „მეტას“ განცხადებაში ნათქვამია, რომ თუ ტრამპი კვლავ დაარღვევს კომპანიის წესებს, მას გამკაცრებული ჯარიმები დაუწესდება.

ცნობისთვის, 2021 წლის 6 იანვარს, კაპიტოლიუმზე შტურმის შემდეგ, „მეტამ“ ტრამპს სოციალური მედიის ანგარიშებზე წვდომა შეუზღუდა და განაცხადა, რომ ის „აქებდა“ ადამიანებს, რომლებიც „ძალადობაში იყვნენ ჩართულნი“.

სასამართლომ ბრალი მოუხსნა ბოლდუინს, რომელსაც გაუფრთხილებლობით მკვლელობას ედავებოდნენ

ნიუ-მექსიკის შტატის სასამართლომ მსახიობ ალეკ ბოლდუინის წინააღმდეგ გაუფრთხილებლობით მკვლელობის ბრალდება მოხსნა. საქმე 2021 წელს ფილმ Rust-ის გადასაღებ მოედანზე ოპერატორის მკვლელობას ეხება. მსახიობის ადვოკატების თქმით, ბრალდების მხარემ მნიშვნელოვანი მტკიცებულებები დამალა.

უკრაინული წარმოშობის ოპერატორი, 42 წლის გალინა ხატჩინსი ერთ-ერთი სცენის რეპეტიციის დროს რევოლვერიდან გასროლით დაიღუპა. აღნიშნულ რევოლვერს, ფილმის სიუჟეტის თანახმად, ბოლდუინი იყენებდა და როგორც აღმოჩნდა, ის საბრძოლო ვაზნებით იყო დატენილი.

მანამდე დადგინდა, რომ ფილმის პიროტექნიკოსმა ჰანა გუტიერეზ-რიდმა შემთხვევით სარეკვიზიტო და საბრძოლო ვაზნები, რომლებიც სახლიდან მიიტანა, ერთმანეთში აურია. ამ წლის დასაწყისში ქალი გაუფრთხილებლობით მკვლელობაში დამნაშავედ ცნეს და 18 თვით თავისუფლების აღკვეთა მიუსაჯეს.

ბრალდების მხარე ამტკიცებდა, რომ ბოლდუინმა უხეშად უგულებელყო უსაფრთხოების ზომები. მას ასევე 18 თვით თავისუფლების აღკვეთა ემუქრებოდა. მსახიობი ბრალს არ აღიარებდა.

ბოლდოუნის წინააღმდეგ პროცესი 10 ივლისს დაიწყო და მხოლოდ სამი დღე გაგრძელდა.

ადვოკატებმა პარასკევს საქმის შეწყვეტის შუამდგომლობა დააყენეს. ისინი ამტკიცებდნენ, რომ პროკურატურამ დაცვის მხარეს მთავარი მტკიცებულება - საქმეში არსებული ვაზნები არ გადასცა. ამით მათ ეჭვქვეშ დააყენეს გამოძიება და მიუთითეს იმ შეცდომებზე, რომლებიც გამომძიებლებმა ადგილზე მუშაობის დროს დაუშვეს.

მოსამართლემ დაცვის მხარის შუამდგომლობა გაიზიარა და საქმე დახურა, ნაფიცი მსაჯულების კოლეგია კი დაშალა.

პროკურატურა ბოლდუინს ბრალს ისევ ვერ წარუდგენს, რადგან სასამართლომ საქმე სრულად მისი განახლების უფლების გარეშე დახურა.

ინდოეთში შხამიანი გველი კაცის ნაკბენის შემდეგ მოკვდა

ინდოეთში გველი ადამიანის ნაკბენის შემდეგ მოკვდა. ამის შესახებ Times of India წერს.

გამოცემის ინფორმაციით, ინციდენტი ბიჰარის შტატში მოხდა, სადაც 35 წლის სანტოშ ლოხარი რკინიგზის მშენებლობაზე მუშაობდა. გველმა მას უკბინა, მაგრამ კაცი არ დაიბნა და ქვეწარმავალს თვითონაც ორჯერ უკბინა. შედეგად გველი მოკვდა.

მოგვიანებით კაცმა ჟურნალისტებს თავისი საქციელის მიზეზები განუმარტა. გაირკვა, რომ ადგილობრივებს სჯერათ - გველის შხამი ადამიანზე არ იმოქმედებს, თუ ის მას თვითონაც უკბენს. მათი აზრით, ასე შხამი თვითონ გველზე გადადის.

მომხდარის შემდეგ ლოხარი კლინიკაში გადაიყვანეს, სადაც საჭირო დახმარება აღმოუჩინეს და მეორე დღეს გაწერეს.

მარგო რობი ორსულადაა

34 წლის ავსტრალიელი მსახიობი მარგო რობი ორსულადაა. ამის შესახებ ჟურნალი People რამდენიმე წყაროზე დაყრდნობით წერს.

გამოცემის ინფორმაციით, მსახიობი თავის პირველ შვილს ქმრისგან, 34 წლის პროდიუსერ ტომ აკერლისგან ელოდება. წყვილს ორსულობის შესახებ ოფიციალური განცხადება ჯერ არ გაუკეთებია, თუმცა მედიაში გამოქვეყნდა რობის ფოტოები, რომლებზეც მას მუცელი ეტყობა.

მარგო რობიმ და ტომ აკერლიმ ერთმანეთი 2013 წელს, ფილმის „ფრანგული სიუიტა“ გადასაღებ მოედანზე გაიცნეს, სადაც მსახიობი თამაშობდა, აკერლი კი რეჟისორის ასისტენტი იყო. წყვილი 2016 წელს, ავსტრალიაში დაქორწინდა. 

როგორ გამოიყურება დაავადებასთან მებრძოლი სელინ დიონი

56 წლის სელინ დიონი, რომელიც „გაშეშებული ადამიანის სინდრომის“ უმძიმეს დიაგნოზს ებრძვის, თავს უკეთ გრძნობს. მიუხედავად იმისა, რომ დაავადება ბოლომდე არ იკურნება, მსახიობი უკეთესად გამოიყურება და მისი დაავადება არ პროგრესირებს. ცოტა ხნის წინ მომღერალმა განაცხადა, რომ ეს იმ სამედიცინო გუნდის დამსახურებაა, რომელსაც ის ბოლომდე ენდობა და დიდი იმედი აქვს, რომ მათი წყალობით სცენაზე დაბრუნებასაც შეძლებს.

სწორედ ამ პროგრესის წყალობით სელინ დიონმა საჯაროდ დაბრუნებაც მოახერხა. 56 წლის „გრემის“ მფლობელი ვარსკვლავი ამჯერად ჰოკეის მატჩს დაესწრო, რომელიც მონრეალში გაიმართა. სელინ დიონი ამ დღეს ბრწყინავდა „გუჩის“ ულამაზეს ორეულში. თეთრი პერანგი მას სადა ქვედაბოლოსთან ჰქონდა შეხამებული.

მომღერალმა წონაშიც მოიმატა და ფანტასტიკურად გამოიყურება. 

 

 

primetime

რატომ არის ლიფტში სარკე? - მიზეზები, რომლებზეც შეიძლება არც გიფიქრიათ

თუ ფიქრობთ, რომ სარკე ლიფტში მხოლოდ იმისთვისაა საჭირო, რომ შეიქმნას სილამაზე და ხალხმა არ მოიწყინოს, მაშინ ძალიან ცდებით. რეალური მიზეზები ბევრად უფრო სერიოზულია.

კლაუსტროფობიის დაძლევა

ბევრი ადამიანი გრძნობს კლაუსტროფობიას ლიფტში. ჰაერის ნაკლებობის, სივრცის სიმცირისა და მუშაობის მექანიზმის სრულად გაგების შეუძლებლობის გამო შესაძლოა გაჩნდეს შფოთვა, გახშირდეს გულისცემა და მდგომარეობა გაუარესდეს. ლიფტში არსებული სარკის წყალობით, ეს პრობლემა ადვილად აღმოიფხვრება. ყოველივე ამის შემდეგ, დეკორის ასეთი ერთი შეხედვით უმნიშვნელო ელემენტი ეხმარება შექმნას მეტი სივრცის განცდა და შეამციროს შფოთვა. როდესაც ადამიანი სარკეში ხედავს თავის ანარეკლს, უნებურად ეუფლება განცდა, რომ მარტო არ არის.

დახმარება შეზღუდული შესაძლებლობის მქონე პირთათვის

ხშირად ლიფტი პატარაა, რომ ეტლში მყოფი ადამიანი უპრობლემოდ შემობრუნდეს. აქედან გამომდინარე, სარკე ეხმარება უსაფრთხოდ შევიდეს და გამოვიდეს ლიფტიდან უკუსვლით, ანარეკლის ყურებით.
 
დამატებითი უსაფრთხოება

თუ უცხო ადამიანები არიან კაბინაში, სარკე უსაფრთხოების განცდას იძლევა. შეგიძლიათ მშვიდად ადევნოთ თვალი მათ მოძრაობებს. ფსიქოლოგების აზრით, ეს არა მხოლოდ დადებითად მოქმედებს მგზავრებზე, არამედ ხელს უწყობს ქცევის ზოგადად მიღებული სტანდარტების დაცვას.
სარკით ლიფტში ვანდალიზმის შემთხვევებიც კი ნაკლებია. ადამიანი ხედავს თავის ანარეკლს და არაცნობიერის დონეზე გადაწყვეტს მოიქცეს "წესიერად".

დათო ხუჯაძე მესამე შვილის მამა გახდა

დათო ხუჯაძე მესამე შვილის მამა გახდა. ამის შესახებ სოციალურ ქსელში თეა ხუჯაძემ დაწერა. „დაიბადა თემური ხუჯაძე, სამგზის მამიდა ვარ უკვე“.

მომღერალმა თაკო თუხაშვილზე გასული წლის სექტემბერში იქორწინა. ხუჯაძეს წინა 2 ქორწინებიდან 2 ქალიშვილი ჰყავს.

ატომური ბომბის შესახებ აინშტაინის მიერ რუზველტისადმი გაგზვნილ წერილს გასაყიდად აუქციონზე გაიტანენ

წერილი, რომელიც მსოფლიოში ცნობილმა ფიზიკოსმა ალბერტ აინშტაინმა აშშ-ის 32-ე პრეზიდენტს ფრანკლინ რუზველტს მისწერა, სექტემბერში აუქციონზე გასაყიდად გაიტანენ. ამის შესახებ ბრიტანული გაზეთი The Guardian-ი წერს. აინშტაინის წერილში საუბარია ნაცისტური გერმანიის მიერ ატომური ბომბის შესაძლო გამოყენების შესახებ.

„ალბერტ აინშტაინის ორგვერდიანი წერილი, სადაც ის აშშ-ის იმჟამინდელ პრეზიდენტს ფრანკლინ რუზველტს აფრთხილებს იმის შესახებ, რომ ნაცისტურმა გერმანიამ შესაძლოა ჩაატაროს ბირთვული ცდები ატომური ბომბის შესაქმნელად, გასაყიდად იქნება გატანილი Christie`s აუქციონზე სექტემბერში“, - ნათქვამია სტატიაში.

წერილი, რომელიც 1939 წლის 2 აგვისტოთი თარიღდება, დაწერილია პოლონეთში გერმანიის შეჭრამდე ერთი თვით ადრე. წერილი იწყება შემდეგი სიტყვებით: „სერ, უახლესმა შრომებმა ბირთვულ ფიზიკაში შესაძლებელი გახადა ურანის ახალი და მნიშვნელოვანი ენერგიის წყაროდ გარდაქმნა“.

The Guardian-ის თანახმად, წერილის საწყისი ფასი 4 მილიონი დოლარი იქნება. ამ დროისთვის აინშტაინის წერილი რუზველტის ბიბლიოთეკაში, ნიუ-იორკის ჰაიდ პარკში ინახება.

მსოფლიოში ყველაზე მაღალი ძაღლი მოკვდა

3 წლის დოგი კევინი, რომელიც ცოტა ხნის წინ მსოფლიოს ყველაზე მაღალ ძაღლად აღიარეს, მოკვდა. ამის შესახებ CNN-ი იტყობინება.

როგორც ძაღლის პატრონმა, ამერიკელმა ტრეისი ვულფმა განმარტა, კევინი გასულ კვირას, დაუგეგმავი ოპერაციის შემდეგ მოკვდა, რომელიც ავადმყოფობის გამო დასჭირდა.

„მთელი ჩვენი ოჯახი სასოწარკვეთილია. ძალიან გვიხაროდა, როცა კევინმა რეკორდი დაამყარა და პოპულარული გახდა. მას ძალიან უყვარდა ყურადღება. ვისურვებდი, რომ ძაღლები უფრო მეტს ცოცხლობდნენ. მათთან ერთად გატარებული დრო არასოდეს არის საკმარისი“, - განაცხადა ქალმა.

კევინის სიმაღლე 97 სანტიმეტრს შეადგენდა. მას უყვარდა თავის ოჯახთან თამაში ჩახუტება და დივანზე ძილი. ყველაზე მეტად კი მტვერსასრუტის ეშინოდა.

ავსტრალიურმა მუზეუმმა პიკასოს რამდენიმე ნამუშევარი ქალთა საპირფარეშოში ჩამოკიდა

ავსტრალიაში, ტასმანიაში ახალი და ძველი ხელოვნების მუზეუმმა Mona პიკასოს ნამუშევრების ნაწილი ქალთა საპირფარეშოში გადაიტანა. ამის შესახებ The Guardian-ი წერს.

გამოცემის ინფორმაციით, ასეთ ზომას მუზეუმში სასამართლოს დადგენილების შემდეგ მიმართეს, რომელმაც მუზეუმი მხოლოდ ქალებისთვის განკუთვნილ გამოფენაზეც კაცების დაშვება დაავალდებულა. მუზეუმის მფლობელის ცოლმა კირშე კეჩელემ Instagram-ზე გამოაქვეყნა რამდენიმე ფოტო საპირფარეშოდან, რომლებზეც ესპანელი მხატვრის 2 ნამუშევარი ჩანს.

„ახალი გამოფენა Mona-ში. მხოლოდ ქალბატონებისთვის“, - ასეთი წარწერა დაურთო კეჩელემ პოსტს და დასძინა, რომ სასამართლოს გადაწყვეტილებამდე მუზეუმში მხოლოდ უნისექს-საპირფარეშოები იყო, ახლა კი ისინი სქესის მიხედვით არის დაყოფილი.

მანამდე მუზეუმში პიკასოს ნამუშევრები 2020 წელს გახსნილი ექსპოზიციის Ladies Lounge ნაწილი იყო. ამ გამოფენაზე მხოლოდ ქალებს უშვებდნენ. დარბაზში ქალბატონებს კაცები ემსახურებოდნენ, მაგალითად აწვდიდნენ შამპანურს. ავტორების ჩანაფიქრით, გამოფენის სტუმრებს თავი კაცებისგან იზოლირებულად უნდა ეგრძნოთ.

თუმცა შარშან ერთმა კაცმა, რომელიც გამოფენაზე არ შეუშვეს საჩივარი დაწერა და სასამართლოს მიმართა. ტასმანიის სამოქალაქო და ადმინისტრაციულმა ტრიბუნალმა დაადგინა, რომ საქმე კაცების დისკრიმინაციასთან ჰქონდა და მუზეუმს ვითარების გამოსასწორებლად 28 დღე მისცა. Mona-ში კი გადაწყვიტეს, რომ პიკასოს საპირფარეშოში გადატანით სასამართლოსაც დაემორჩილებიან და გამოფენის არსსაც შეინარჩუნებენ.

„გიო ხუციშვილი უმცროსის მობრძანებას გაუმარჯოს“ - ზუკა ხუციშვილი მამა გახდა

მომღერალ ზუკა ხუციშვილს ვაჟი შეეძინა, წყვილმა ბავშვს ბაბუის, ყველასათვის საყვარელი მომღერლის, გიო ხუციშვილის სახელი დაარქვა.

სასიხარულო ინფორმაციას სოციალურ ქსელში ნინა ანდრონიკაშვილი აქვეყნებს და წერს:

„გიო ხუციშვილი უმცროსის მობრძანებას გაუმარჯოს, ვაშა!“,-წერს ანდრონიკაშვილი.

„გენეტიკა გრძელდება. დაიბადა უმცროსი გიო ხუციშვილი. ზუკა, ქეთი გილოცავთ. იმედია მე და პატარა გიო ერთ დუეტს ჩავწერთ“,-წერს ნატო გელაშვილი