საბერძნეთში საქართველოს 5 მოქალაქე დააკავეს - დანაშაულებრივი ჯგუფის წევრებმა მილიონ ევრომდე ღირებულების ქონება მოიპარეს

საბერძნეთში სამართალდამცავებმა დანაშაულებრივი ჯგუფის 5 წევრი დააკავეს, რომლებიც საქართველოს მოქალაქეები არიან. დაკავებულთა შორის ერთი ქალია.

გამოძიების ინფორმაციით, დაკავებულები 2021 წლიდან ატიკას სხვადასხვა რაიონში სისტემატურად ძარცვავდნენ სახლებს. ჯამში გატეხეს 16 სახლი, ზარალი კი 690 000 ევროს აღემატება.