ლეგენდარულ ოთხეულზე ფილმს გადაიღებენ

მსოფლიოში აღიარებული რეჟისორი, „ამერიკული სილამაზის“ ავტორი სემ მენდესი, Sony Pictures Entertainment-თან ერთად, ახალ კინოპროექტს იწყებს ლეგენდარულ ლივერპულელ ოთხეულზე. სურათი ოთხნაწილიანი იქნება. თითოეული ფილმი The Beatles-ის თითოეულ წევრს - ჯონ ლენონს, პოლ მაკარტნის, ჯორჯ ჰარისონსა და რინგო სტარს მიეძღვნება. რეჟისორის თქმით, ამ ჯგუფზე გადაღებულმა სურათმა უნდა შეცვალოს წარმოდგენა იმაზე, თუ რა არის „კინოში წასვლა“. მენდესს უკვე აქვს ეკრანიზაციის უფლებები The Beatles-ის სტუდიისგან Apple Records-ს, პოლისა და რინგოსგან, ასევე ჯონისა და ჯორჯის ოჯახის წევრებისგან. პოპულარული ჯგუფის წევრებზე შექმნილი კინოპროექტის გაქირავებაში გამოსვლა 2027 წლისთვის არის დაგეგმილი.