notnews ganivi3 

    HotNews

    HotNews

    “ერთიანი ნაციონალური მოძრაობის” წევრი, დავით კირკიტაძე შესაძლოა თვითიზოლაციაში გადავიდეს. მას დეპუტატ ლევან გოგიჩაიშვილთან ჰქონდა შეხება, რომელიც კორონავირუსის დიაგნოზით, მეუღლესთან ერთად, ბოჭორიშვილის კლინიკაში მკურნალობს.

     

    მართალია თავად კირკიტაძემ უარყო ლევან გოგიჩაიშვილთან კონტაქტი, თუმცა თავად გოგიჩაიშვილს „პრაიმტაიმთან“ საუბრისას არ დაუმალავს, რომ „ნაცმოძრაობის“ წევრი ნამდვილად მისი კონტაქტების სიაშია.

     

    ირკვევა, რომ ლევან გოგიჩაიშვილს დავით კირკიტაძესთან შეხება “ტვ პირველში” სტუმრობისას ჰქონდა.

     

    „დიახ, მქონდა კონტაქტი დავით კირკიტაძესთან, როცა სტუმრად ვიყავი “ტვ პირველში”. როდესაც ვირუსი დამიდასტურდა, ეპიდემიოლოგებს მივაწოდე ინფორმაცია იმ პირების შესახებ, ვისთანაც მქონდა კომუნიკაცია, მათ შორის დავით კირკიტაძის შესახებაც და ისინი ახლა თვითიზოლაციაში არიან როგორც ვიცი”.

     

    გავრცელებული ინფორმაციით, დავით კირკირაძეს, როგორც ინფიცირებულის კონტაქტს, PCR ტესტი უკვე ჩაუტარდა და ამჟამად პასუხს ელოდება, თუმცა ის წინასაარჩევნო კამპანიის ფარგლებში შეხვედრებს მაინც მართავს.

     

    დავით კირკიტაძე რუსთავის მაჟორიტარობის კანდიდატია. ის უკვე რამდენიმე კვირაა მოსახლეობასთან აქტიურ შეხვედრებს მართავს, რასაც მისი „ფეისბუქ“ აქტივობებიც მოწმობს.

    „პრაიმტაიმი“

    ქუთაისის 32-ე საჯარო სკოლის 21 თანაშრომელს, მათ შორის დირექტორს და მოადგილეს კორონავირუსი დაუდასტურდა. პასუხი ცოტა ხნის წინ გახდა ცნობილი. ინფორმაციას ადასტურებს სკოლის დირექტორის მოადგილე ნათია ხაზარაძე. მისი თქმით, თანამშრომლების ნაწილი ამ დროისთვის სკოლაში იმყოფებიან და სასწრაფო დახმარების ჯგუფებს ელოდებიან.

    მისი თქმით, ამ დროისთვის სიმპტომი არავის აქვს.

    „55 კი არა, არამედ, 75 % ნამდვილად აქვს „ოცნებას“,  ოღონდ უარყოფითი განწყობა,“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე და მალე სრულიად განსხვავებული კვლევების გამოქვეყნებას აანონსებს.

    „ჩვენც ვატარებთ კვლევებს, სადაც სულ სხვა ციფრებია. 200-ლარიანი დახმარებების დარიგების პიკზე,  „ქართული ოცნების“ რეიტინგი 37-38 %-ს არ აღემატება, მანამდე კი, მხოლოდ 22% იყო.  „ევროპულ საქართველოს“ კი, თბილისის რიგ უბნებში,  პულსი საერთოდ არ ესინჯება. „ოცნების“ ეს რეიტინგიც, კოვიდთან ბრძოლის კამპანიის ფონზეა, როდესაც ხალხს იმას უყვებიან, როგორ დაამარცხეს ვირუსი და პარალელურად, 200-300 ლარს ურიცხავენ.

    რეალურად კი, „ოცნების“ ხელისუფლება აქაც არღვევს კანონს, რადგან ადმინისტრაციულ რესურსს იყენებს და უსინდისოდ იბრალებს , რომ ეს „ოცნების“ ფულია. არადა, ეს დარიგებული ფული არის ვალი, რომელიც ქვეყანას დაედო და  რომელიც ისევ ჩვენი გადასახდელია და კავშირი არ აქვს „ოცნების“ ვითომ  „გულუხვობასთან“;

    ეს დარიგებული ფული არ არის გამომუშავებული, ეკონომიკის მიერ გენერირებული, რაც მხოლოდ ინფლაციას გამოიწვევს და მყიდველობითი უნარის უფრო დაკარგვას და ეს ისედაც შემოსავალდაკარგული ადამიანების და პენსიონერების ხარჯზე.

    და უმთავრესი: თუ კოვიდის მართლა ასეთი აფეთქებაა, როგორც ამბობენ, როდის უნდა შეავსონ ის ფონდი, რომელიც სწორედ კოვიდთან საბრძოლველად შეიქმნა და რომელიც ასე გამოშიგნეს და გაანულეს?!“ - აცხადებს დავით ჭიჭინაძე

     

     

    ჯანდაცვის მინისტრის, ეკატერინე ტიკარაძის განცხადებით, ეპიდვითარებასთან დაკავშირებით, როგორც კლინიკური ჯუფის, ასევე ჰოსპიტალური სექტორის მხრიდან მზაობა მაღალია.

    როგორც ტიკარაძემ მთავრობის ადმინისტრაციაში გამართულ ბრიფინგზე განაცხადა, „მნიშვნელოვანია, რომ ახლა, როგორც არასდროს მოქალაქეების მობილიზაცია და სოციალური პასუხისმგებლობა გაიზარდოს“.

    დაავადებათა კონტროლის ეროვნული ცენტრის დირექტორის მოადგილე პაატა იმნაძე ამბობს, რომ ნაკლები ჩაკეტვის გაცილებით უკეთეს შედეგს მიაღწიეს.

    მისი თქმით, ახლა რომ “რაღაც ჩაკეტო”, ამბავი ატყდება, რომ არჩევნებს ხელს უშლიან.

    “ჩაკეტვას აზრი აქვს თავის დროზე. დრო უნდა შეარჩიო – როდის უნდა ჩაკეტო, რა უდნა ჩაკეტო, რა თანმიმდევრობით უნდა ჩაკეტო. ადამაინებს სახლიდან გამოსვლა ჰქონდათ აკრძალული. შევადაროთ, ყველაფერი არის შედარებითი – ჩვენ გაცილებით ნაკლები ჩაკეტვებით გაცილებით უკეთეს შედეგს მივაღწიეთ, იმიტომ, რომ ეს ყველაფერი თავის დროზე და თანმიმდევრობით განხორციელდა. ქართული შეფასებები ნაკლებად მაინტერესებს, ვიცი რა შეფასებასაც აძლევენ ჩვენს სამუშაოს საერთაშორისო ასპარეზზე.

    წარმოიდგინეთ, დღეს რომ რაღაც ჩაკეტო, რა ამბავი ატყდება – არჩევნებს ხელს უშლიან, რაღაც, აქეთ, იქით… არა, ბატონებო, იქნება წერტილოვანი ღონისძიებები. ყველაფერს ხომ თავისი საზღვარი აქვს, არ შეიძლება, ერთმა ქორწილმა და ორმა ქორწილმა მთელი რეგიონები აგვიფეთქოს საქართველოში”,- აცხადებს იმნაძე.

    „ციანიდის საქმეზე“ მსჯავრდებულის, დეკანოზ გიორგი მამალაძის ჯანმრთელობის მდგომარეობა დამძიმდა.

    „მე 5-ჯერ მქონდა დეკანოზთან შეხვედრის მცდელობა, რადგან კორონავირუსისგამო შეზღუდვებია, მხოლოდ 2-ჯერ მოვახერხე. ბოლო შეხვედრისას, რომელიც დაახლოებით ერთი თვის წინ შედგა, დეკანოზი არა ეტლით, არამედ, საკაცით მოიყვანეს. მარჯვენა კიდურები სრულად გაშეშებული აქვს და ეს თვალითაც ხილულია,“ - ციტირებს დეკანოზის ადვოკატის, გიორგი ფანცულაიას სიტყვებს „პრაიმტაიმი“.

    პოლიტიკოსი ირინა სარიშვილი სოციალურ ქსელში წერს:

    „ოცნების" საარჩევნო სლოგანი:  დარჩი სახლში.
    მე - ბებიათქვენის წაბლა ტრა.მა“

    გაზეთ „ქრონიკა+“-ის მთავარი რედაქტორი სოციალურ ქსელში სკანდალურ სტატუსს აქვეყნებს:

    „500 კაცი ითხოვს 150 კაციან სიაში ადგილს.
    აუფეთქეს მესენჯერი მიშასო,-ჩემმა წყარომ.
    200 კაცზე კი ჩამოიყვანა პრეტენდენტები,მაგრამ ახლა რიგითობაზე მიდის, თურმე, გნიასი.
    40-50 კაცში თუ არ ვიქნები, ხალხში არ ვივლითო !
    3600 საარჩევნო უბანია საქართველოში, გადაინაწილეთ 150-მა კაცმა პერსონალურად, იარეთ ხალხში და მოტანილი შედეგების მიხედვით დააწყვეთ სიის რიგითობა !
    ასე უფრო სამართლიანია !
    ეკრანებზე კეკლუცი არ იგებს არჩევნებს!“

    ბოლო წლების ერთ-ერთი ყველაზე გახმაურებული საქმე თამარ ბაჩალიაშვილის იდუმალი გარდაცვალებაა. გამოძიება სხვადასხვა მიმართულებით მუშაობს. მართალია, იმის განსაზღვრა, ძიება ბოლოს სადამდე მივა, შეუძლებელია, მაგრამ ბაჩალიაშვილის საქმეში დევს სათვალთვალო კამერით გადაღებული არაერთი ვიდეო, მოწმეთა ჩვენებები, მობილური ოპერატორების ანძებიდან ამოღებული ჩანაწერები. არადა, ადრე ესენი არ იყო და გამოძიება, პრაქტიკულად, შიშველი ხელებით ცდილობდა ფონს გასვლას. ისტორია, რომელსაც პოლიციის გადამდგარი პოლკოვნიკი, ბატონი თენგიზი გვიყვება, თბილისში, 80-იანი წლების შუაწელს მოხდა და ის, რაც ერთი შეხვედვით, ასპროცენტიან თვითმკვლელობად ჩანდა, საბოლოოდ, მკვლელობა აღმოჩნდა, თუმცა გამოძიება საქმის გახსნამდე დიდი ძალისხმევის შედეგად მივიდა.

    ეს ახლაა მარტივად შესაძლებელი, მეგობარს, ნათესავს მესიჯი მისწერო და რამდენიმე წამში, მიწერილი ადრესატამდე მივა. ადრე კი ადამიანები ერთმანეთს წერილს ფოსტით უგზავნიდნენ, ან ქალაქის ტელეფონით ურთიერთობდნენ, თანაც მაშინ ქალაქის ტელეფონი ფუფუნებად ითვლებოდა და ხალხი რიგში წლობით იდგა. წერილებითი ურთიერთობის მიუხედავად, თბილისში მცხოვრებ ქალს ძალიან გაუკვირდა, როცა წერილი ყოფილი ქმრისგან მიიღო. ისინი ტელეფონით ურთიერთობდნენ, კაცი მუდმივად ინტერესდებოდა მათი საერთო შვილის, 5 წლის გოგონას ამბებით. რაც მთავარია, მუდმივად პატიოსნად იხდიდა ალიმენტს და გოგონას ყურადღებას ისედაც არ აკლებდა.

    წერილში ეწერა, რომ კაცი დაიღალა მუდმივი ავადმყოფობით, ტკივილით და ამის ნიადაგზე თვითმკვლელობა გადაწყვიტა. წერილი შაბათ დღეს იყო გამოგზავნილი, ფოსტალიონმა კი ორშაბათს მიიტანა.

    მილიციაში დარეკვამდე, ქალი იმ ბინაში წავიდა, სადაც მისი ყოფილი ქმარი ცხოვრობდა. კარი დაკეტილი დახვდა, მეზობელმა კი უთხრა, რომ ბოლოს, კაცი პარასკევს საღამოს, სამსახურის შემდეგ ნახა. ადგილზე მისულმა მილიციამ კარი შეამტვრია და თვალწინ საზარელი სურათი გადაეშალა - ყელზე თოკშემოხვეული კაცი იატაკზე გარდაცვლილი ეგდო, ჭერიდან ჭაღი იყო ჩამოვარდნილი, რომლის სამაგრზეც თოკი იყო მიმაგრებული. ერთი შეხედვით, ტიპური თვითმკვლელობა ჩანდა და რაც მთავარია, გამოძიებას ხელთ ჰქონდა წერილი, რომელიც კაცმა რამდენიმე დღით ადრე გააგზავნა.

    ექსპერტიზას ახალი არაფერი უთქვამს - კაცი ასფიქსიით გარდაიცვალა, სხეულზე დაზიანებები არ აღენიშნება, კარი გატეხილი არ არის.

    „ერთადერთი, რაც მოსვენებას მიკარგავდა, ეს სახლის ჩხრეკა იყო, რომელსაც პირადად ვესწრებოდი და მინდა გითხრათ, რომ გარდაცვლილი აშკარად მოწესრიგებული კაცი იყო. ყველაფერი კულტურულად ჰქონდა ჩალაგებული უჯრებში, თეთრეულიც კი ზომისა და ფერების მიხედვით ჰქონდა დახარისხებული, აი, სამუშაო მაგიდის უჯრებში კი სრული ქაოსი იყო. შთაბეჭდილება შემექმნა, რომ იქ ვიღაც, რაღაცას ეძებდა და ყველაფერი აურია. ესეც არ იყოს, კაცი მართლა ავადმყოფობდა და ამიტომ, ინჟინრად ნახევარ განაკვეთზე მუშაობდა. შესაბამისად, ფული ვერ უნდა ჰყოფნოდა ალიმენტსა და იმ ტანსაცმელზე, რომელიც მის კარადაში ეკიდა. ყველაფერი უცხოური და ძალიან ძვირფასი იყო, მისი შემოსავლით კარგ ტანსაცმელს კი არა, საერთოდ, ტანსაცმელს ვერ იყიდდი. გავარკვიე ისიც, რომ ეს კაცი დასავლეთიდან ათი წლის წინ ჩამოვიდა, ფილტვების პრობლემა ჰქონდა და მშრალი ჰავა ურჩიეს“, - იხსენებს ბატონი თენგიზი.

    სამართალდამცავებმა წერილი გრაფოლოგიურ ექსპერტიზაზე გადააგზავნეს და გარდაცვლილის კავშირების ძიება დაიწყეს. როგორც გაირკვა, ის თვეში ერთხელ, კოლონიაში მიდიოდა და კაცთან, რომელთანაც ნათესაური კავშირი არ ჰქონდა, მსუყე ამანათი მიჰქონდა. პატიმარი საიუველირო მაღაზიის ქურდობისთვის 7-წლიან სასჯელს იხდიდა და იმის მიუხედავად, რომ მაღაზიის დარაჯი გაიძახოდა, ორნი იყვნენო, დაკავებულმა „პადელნიკი“ არ გასცა, მის სახლში დაკარგული ოქროულობის მხოლოდ მცირე ნაწილი იპოვეს. გაჩნდა ეჭვი, რომ მეორე დამნაშავე, შესაძლოა, სწორედ გარდაცვლილი ყოფილიყო და ამიტომ, მის სახლში სამალავის მისაგნებად კიდევ ერთი ჩხრეკა ჩატარდა.

    საბოლოოდ, იატაკის აყრის შედეგად, სამართალდამცავებმა რამდენიმე ათეული ოქროს ბეჭედი იპოვეს, ექსპერტიზამ კი დაადგინა, რომ ეს ოქროულობა, სწორედ იმ საიუველირო მაღაზიიდან იყო მოპარული. პატიმარს, რომელთანაც გარდაცვლილი დადიოდა, ახალმა ამბავმა თავზარი დასცა. ის დარწმუნებული იყო, რომ სასჯელის მოხდის შემდეგ, თავისუფლებაზე თავის წილს მიიღებდა და ცხოვრებას აიწყობდა. ახლა კი რა გამოვიდა - „პადელნიკი“ მკვდარია, ოქროს მილიციამ მიაგნო ანუ ის სასჯელს, პრაქტიკულად, ტყუილად იხდიდა. მას წარმოდგენაც კი არ ჰქონდა, ვის შეიძლებოდა მოეკლა მისი მეგობარი, რადგან ოქროულობის არსებობის შესახებ, მხოლოდ მათ იცოდნენ.

    მილიციის განყოფილებაში გარდაცვლილის მეზობელი მივიდა და გამომძიებელს სთხოვა, ეგებ, ის ქალი მაპოვნინოთ, ვისთანაც გარდაცვლილს ურთიერთობა ჰქონდა და ცოლად მოყვანასაც აპირებდა, ხვალ გასვენებაა და მინდა, რომ იყოს, ისე ძალიან უყვარდათ ერთმანეთიო.

    საქმეში ქალის გამოჩენამ გამოძიებას ახალი მიმართულება მისცა. სხვა მეზობლების გამოკითხვის შემდეგ, ქალსაც მიაგნეს - ის ადგილობრივი კლინიკის ექიმი აღმოჩნდა და არ დაუმალავს, რომ გარდაცვლილი მისი საქმრო გახლდათ და რაღა საქმრო, ხელი არ ჰქონდათ მოწერილი, თორემ ერთად ცხოვრობდნენ. იმ დღეებში კი ქალმა ორკვირიანი შვებულება აიღო და სოფელში მშობლებს ჩააკითხა, ამიტომ თვითმკვლელობის შესახებ არაფერი იცოდა.

    გრაფოლოგიური ექსპერტიზის პასუხმა მხოლოდ ორი რამ დაადგინა. ერთი ის, რომ წერილი გარდაცვლილის დაწერილი არ იყო და მეორე, ეს გახლდათ მკვლელობა და არა - თვითმკვლელობა, რადგან გამოსამშვიდობებელი ბარათი სხვის მიერ გახლდათ შედგენილი.

    გასვენების მეორე დღეს, ღამის სამ საათზე, განყოფილებაში ტელეფონის ზარი გაისმა. გარდაცვლილის მეზობელი რეკავდა, ვიღაცამ დალუქულ ბინაში შეაღწია და იქაურობა თავდაყირა დააყენაო. ოპერატიული ჯგუფი ადგილზე გავიდა, მაგრამ ხელში მხოლოდ არეული სახლი და ნაცემი მეზობელი შერჩა, სწორედ ის, რომელმაც განყოფილებაში დარეკა.

    „ქვედა სართულზე ვცხოვრობ და ხმაურმა გამაღვიძა. მივხვდი, ბინაში ვიღაც იყო, მაგრამ ისე დაუდევრად მოქმედებდა, მეგონა, მილიცია დაბრუნდა. ამიტომ, პიჟამოებით ავედი, კარი შევაღე, ვიღაც კაცი დამეჯახა და წამაქცია. წაქცეულმა ფეხი დავუჭირე და ისეთი მომცხო, მაშინვე გავუშვი. სახეზე ცხვირსახოცი ჰქონდა აფარებული და თავსუკან გაკრული. ერთადერთი, რაც დამამახსოვრდა, დამტვრეული ყურებია. აღნაგობითაც და ყურებითაც, ის ბიჭი მოჭიდავეა“, - ეს იყო, რაც მეზობელმა სამართალდამცავებს უთხრა.

    მალე ისიც დადგინა, რომ შაბათს, გარდაცვლილი, მეგობრის ქორწილში მეჯვარე უნდა ყოფილიყო, მაგრამ პარასკევს საღამოს დარეკა და მეგობარს უთხრა, რომ ფილტვების გამო ძალიან დასუსტდა და ქორწილში ვერ მივიდოდა. ჯაჭვის რგოლები ნელ-ნელა ეწყობოდა. ვიღაცამ იცოდა, რომ კაცს სახლში ოქრო ჰქონდა, იმ ვიღაცამ ისიც იცოდა, რომ შაბათს, კაცი ბინაში არ უნდა ყოფილიყო და ვერ გათვალა, რომ ქორწილში არ წავიდა.

    ყურებდამტვრეული ახალგაზრდის ძიება ურთულესი გახლდათ, რადგან მაშინ ჭიდაობაზე ძალიან ბევრი ვარჯიშობდა და ყველას ეჭვმიტანილებად ხომ ვერ გამოაცხადებდნენ?! ამიტომ, მეგობარი ქალის დაკითხვა გადაწყდა, რადგან შესაძლებელი იყო, მას სცოდნოდა საქმროს გარემოცვაში ვინმე ასეთი. ქალს სამსახურში მიაკითხეს და გამომძიებელი კაბინეტის კართან გაშეშდა - ექიმი ვიღაც ახალგაზრდა ბიჭს თმაზე ეფერებოდა და ამ ბიჭს ყურები დამტვრეული ჰქონდა. სამართალდამცავების დანახვაზე ქალს რეაქცია არ ჰქონია, ბიჭი აშკარად შეცბა, ექიმმა კი მშვიდად თქვა - გაიცანით, ჩემი უმცროსი ძმა, ჩემი გაზრდილია, მშობლები ავტოკატასტროფაში რომ დაგვეღუპა, მას შემდეგ მე ვიყავი ამის დედაც და მამაც.

    გამომძიებელი ვა-ბანკზე წავიდა, ბიჭს მშვიდად შეხედა, მერე პირველი სართულის გაღებულ ფანჯარას შეავლო თვალი და მკაფიოდ წარმოსთქვა: - „თქვენ დაკავებული ხართ მკვლელობის ბრალდებით“.

    ამის თქმა იყო და ბიჭი ადგილიდან წამოხტა, გაღებულ ფანჯარას ეცა და გაუჩინარდა. მისი დაკავება ორ დღეში მოხერხდა და აღიარებითი ჩვენებაც გამომძიებელს მაგიდაზე, სწორედ ორ დღეში ედო.

    „ჩემს დას ის ინჟინერი ისეთ საჩუქრებს სჩუქნიდა, მივხვდი, მხოლოდ ხელფასზე არ ცხოვრობდა. ამიტომ, თვალთვალი დავუწყე და გავიგე, რომ თვეში ერთხელ, კოლონიაში დადიოდა. მერე ის გავიგე, ვისთან დადიოდა და ისიც, ის კაცი რისთვის იჯდა. მივხვდი, „პადელნიკს“ პატრონობდა ანუ სახლში ბევრი ოქრო უნდა ჰქონოდა. ველოდი მომენტს, როცა სახლში არ იქნებოდა და ეს დღეც დადგა - კარგად გავიგონე, ჩემს დას რომ უთხრა, შაბათს, ქორწილში მეჯვარე ვარ, დილიდან გავდივარო. დილით მივედი, კარის გახსნა მინდოდა, მაგრამ თავად გამიღო და პირი დააღო, აქ რა გინდაო? აღარ ვაცადე, ვეცი და ყელი დავუჭირე ანუ კი არ გავგუდე, მივაძინე, მერე კი ჩამოვკიდე და ჩვეულებრივი თვითმკვლელობა გამოვიდა. წერილიც დავწერე, თუმცა ოქრო ვერ ვიპოვე და შემდეგ ჯერზე, ამიტომ დავბრუნდი“, - ეს იყო მკვლელის აღიარების მოკლე შინაარსი.

    სასამართლომ მას სასჯელის სახით 12 წლით თავისუფლების აღკვეთა მიუსაჯა.

    წყარო: გაზეთი „ვერსია“

     

     

    „მომბეზრდა, რომ კრიმინალზე ვილაპარაკო ამდენი, რომელიც ერთი ჩვეულებრივი ქარაფშუტა კრიმინალია,“ - ეს განცხადება იუსტიციის მინისტრმა, თეა წულუკიანმა „ღამის კურიერში“  ექსპრეზიდენტ მიხეილ სააკაშვილზე საუბრის დროს გააკეთა.

    “მე პირადად, მომბეზრდა, რომ კრიმინალზე ვილაპარაკო ამდენი, რომელიც ერთი ჩვეულებრივი ქარაფშუტა კრიმინალია, იმიტომ რომ კრიმინალები ზოგიერთი ისტორიულიც არის, სხვა ქვეყნებში, ჭკვიან კრიმინალად რომ ითვლებიან. ეს არის ქარაფშუტა კრიმინალი და თითქოს, არ უნდა ვხარჯოთ მასზე დრო, მაგრამ არის მნიშვნელოვანი რამ, 2012 წლის პირველ ოქტომბერს ძალიან ბევრი ჩვენი ქვეყნის სისხლი და ხორცი ადამიანები იყვნენ არასრულწლოვნები, დღეს ისინი სრულწლოვნები არიან და დიახ, ჩვენი ვალია, რომ მუდმივად შევაფასოთ ეს ადამიანები, არჩევნებს შორისაც, რომ არ დაგვავიწყდეს ვინ არიან ესენი, ახლა უკვე თვითლუსტრაციით დაკავებული ეს ძალა, გვეხმარება ამაში და რეალურად, ეს აღიარებების კასკადი კიდევ უფრო ამარტივებს 31 ოქტომბერს გასაკეთებელ არჩევანს პოლიციელებისთვის, სასჯელაღსრულების თანამშრომლებისთვის, რომლებიც თურმე, როგორც პრემიერ-მინისტრობის კანდიდატმა სააკაშვილმა თქვა, ენჯეოებმა უნდა მართონ“, – განაცხადა თეა წულუკიანმა.

    Please publish modules in offcanvas position.