კრიმინალი

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის მთავარი სამმართველოს თანამშრომლებმა, ქალაქ თბილისის პროკურატურის თანამშრომლებთან ერთად ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, გლდანში მომხდარი ძალადობის ფაქტზე, ორი ან მეტი პირის მიმართ ჯგუფურად ჩადენილი ძალადობის ბრალდებით 6 პირი დაკავეს.
დაკავებულები არიან: 1988 წელს დაბადებული ე.ჩ., 1996 წელს დაბადებული ტ.ხ.,1988 წელს დაბადებული გ.ქ., 1989 წელს დაბადებული ლ.ა., 1997 მ.ს. და 1994 წელს დაბადებული ბ.ა.
დანაშაული 2 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულებმა, მიმდინარე წლის 22 სექტემბერს, გლდანში, ფიზიკური დაზიანებები მიაყენეს თბილისის საკრებულოს ერთ-ერთ დეპუტატს და მის თანმხლებ პირებს, რის შემდეგაც შემთხვევის ადგილიდან მიიმალნენ.
სამართალდამცველებმა ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, დანაშაულში მონაწილე 6 პირი ცხელ კვალზე დააკავეს.
ორი ან მეტი პირის მიმართ ჯგუფურად ჩადენილი ძალადობის ფაქტზე გამოძიება
სისხლის სამართლის კოდექსის 126-ე მუხლის პირველი პრიმა ნაწილის "ბ" და "გ" ქვეპუნქტებით მიმდინარეობს.
აღსანიშნავია, რომ ძალადობის ფაქტზე შემოსული შეტყობინების საფუძველზე ადგილზე მისულ სამართალდამცველებს დაშავებული პირების მეგობრებმა და თანაპარტიელებმა სამსახურებრივი მოვალეობის შესრულებაში ხელი შეუშალეს, მიაყენეს სიტყვიერი, ასევე, ფიზიკური შეურაცხყოფა და წინააღმდეგობა გაუწიეს, რა დროსაც პოლიციამ 3 პირი ადმინისტრაციულ სამართალდარღვევათა კოდექსის შესაბამისად დააკავა. ასევე, ადმინისტრაციული სამართალწარმოება დაიწყო იმ პირების მიმართაც, რომლებიც სამართალდამცველებს ხელს უშლიდნენ და წინააღმდეგობას უწევდნენ სამსახურებრივი მოვალეობის შესრულებისას.
დაპირისპირების შედეგად, პოლიციის თანამშრომლებს სხეულზე სხვადასხვა სახის დაზიანება აღენიშნებათ.
სამსახურებრივი საქმიანობის შესრულების დროს პოლიციელებზე თავდასხმის ფაქტზე გამოძიება სისხლის სამართლის კოდექსის 353-ე პრიმა მუხლით მიმდინარეობს.

გორში მანქანა გაჩერებულ 5 ავტომობილს შეეჯახა.

გავრცელებული ინფორმაციით,
 ავარია სამხარეო პოლიციის შენობასთან მოხდა და მძღოლი ნასვამი იყო. 

ოზურგეთის ერთ-ერთ სოფელში არასრულწლოვან გოგონაზე სექსუალური ძალადობის მცდელობაში 62 წლის მამაკაცს ადანაშაულებენ.

როგორც ადგილობრივები ამბობენ, დაზარალებული და ეჭვმიტანილი მეზობლები არიან თუმცა, მათივე თქმით, საეჭვო არასდროს არაფერი შეუმჩნევიათ.

„ორივე ოჯახი ჩვენი მეზობელია. გადასარევი ხალხია, საეჭვო არასდროს არაფერი შეგვიმჩნევია ამ კაცზე. რა მოხდა, არ ვიცით, ჩვენც გაოგნებული ვართ. საღამოს პოლიცია იყო მოსული და მაშინ გავიგეთ. ბავშვიც უწესიერესია, სულ წიგნებშია. მეტი არაფერი ვიცით”, - აცხადებენ მეზობლები.

შსს ინფორმაციით, გამოძიება სსკ-ის 141-ე მუხლით მიმდინარეობს, რაც გარყვნილ ქმედებას გულისხმობს.

ქუთაისში პარფიუმერიის მაღაზია "ისი პარი" გატეხეს. ადგილზე დილით მისულ თანამშრომლებს მინები დახვდათ ჩამსხვრეული.

მაღაზიის მენეჯერი აცხადებს, რომ სალაროში თანხა არ ჰქონდათ დატოვებული და მძარცველებმა მხოლოდ 3 ლარის წაღება მოახერხეს.

ადგილზე სამართალდამცველები იყვნენ მობილიზებული. ამოღებულია კამერის ჩანაწერები.

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის მთავარ სამმართველოში, თბილისის საკრებულოს ერთ-ერთი დეპუტატის და მისი თანმხლები პირების ჯანმრთელობის დაზიანების ფაქტზე შემოსული შეტყობინების საფუძველზე, გამოძიება სისხლის სამართლის კოდექსის 126-ე მუხლის პირველი პრიმა ნაწილით დაიწყო, რაც ჯგუფურად ჩადენილ ძალადობას გულისხმობს.

შეტყობინების საფუძველზე ადგილზე მისულ სამართალდამცველებს, დახვდათ რამდენიმე პირი, რომლებსაც სხეულზე აღენიშნებოდათ სხვადასხვა სახის, მათ შორის სისხლნაჟღენთი დაზიანებები. აღნიშნული პირები სამედიცინო დაწესებულებაში გადაიყვანეს.

მომხდარი ფაქტიდან მალევე გლდანში შეიკრიბნენ დაშავებული პირების მეგობრები და თანაპარტიელები, რომლებმაც სამართალდამცველებს სამსახურებრივი მოვალეობის შესრულებაში ხელი შეუშალეს, მიაყენეს სიტყვიერი, ასევე, ფიზიკური შეურაცხყოფა და წინააღმდეგობა გაუწიეს, რა დროსაც პოლიციამ 3 პირი ადმინისტრაციულ სამართალდარღვევათა კოდექსის შესაბამისად დააკავა.

დაპირისპირების შედეგად, პოლიციის თანამშრომლებს სხეულზე სხვადასხვა სახის დაზიანება აღენიშნებათ. ფაქტზე დაიწყო გამოძიება სისხლის სამართლის კოდექსის 353-ე პრიმა მუხლით, რაც სამსახურებრივი საქმიანობის შესრულების დროს პოლიციელზე თავდასხმას გულისხმობს.

აღსანიშნავია, რომ საავადმყოფოში მოთავსებულმა პირებმა, საგამოძიებო მოქმედებების ფარგლებში, სამედიცინო დაწესებულებაში მისულ სამართალდამცველებს გამოკითხვაზე უარი განუცხადეს და განმარტეს, რომ ჩვენებას მისცემენ სასამართლოში.

მომხდარ ფაქტებთან დაკავშირებით გრძელდება გამოძიება, ტარდება შესაბამისი ღონისძიებები.

პოლონური მედიის ინფორმაციით, ქურდობის ბრალდებით ქალაქ შჩეცინში საქართველოს მოქალაქე დააკავეს. ბრალდების მიხედვით, 41 წლის კაცმა ჩანთა მოიპარა, სადაც 3 ათასი პოლონური ზლოტი იყო.

პოლიციის ინფორმაციით, ეჭვმიტანილმა დაზარალებულს ფულით სავსე ჩანთა მანქანიდან მოპარა, იქამდე კი აკვირდებოდა, როგორ დატოვა ამ ადამიანმა ჩანთით ხელში ბანკი, ჩანთა მანქანაში ჩადო და მაღაზიაში გადავიდა. დამნაშავემ სწორედ ამ მომენტით ისარგებლა, დაზარალებულს ჯერ საბურავები დაუჭრა, შემდეგ კი ფული წაიღო.

საქართველოს მოქალაქეს 5 წლამდე თავისუფლების აღკვეთა ემუქრება. 

გარემოსდაცვითი ზედამხედველობის დეპარტამენტის ცნობით, 4 სექტემბრიდან 21 სექტემბრის ჩათვლით პერიოდში, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობისთვის 641 სამართალდამრღვევი დაჯარიმდა.

უწყება 4 სექტემბრიდან ახორციელებს თბილისში, რუსთავში, ქუთაისსა და ბათუმში მოძრავი ავტოსატრანსპორტო საშუალებების გამონაბოლქვის კონტროლს.

უწყების ცნობით, დეპარტამენტის თანამშრომლებმა ყველაზე მეტი - 303 დარღვევა თბილისში გამოავლინეს, 149 სამართალდარღვევა დაფიქსირდა ქუთაისში, 109 - ბათუმში, 80 კი, ქალაქ რუსთავში.

641 ჯარიმიდან 508 ფიზიკური პირის სახელზე დაფიქსირდა, 133 შემთხვევაში კი, გარემოსდაცვითი ზედამხედველობის დეპარტამენტის თანამშრომლებმა იურიდიული პირები დააჯარიმეს.

ავტოსატრანსპორტო საშუალებების გამონაბოლქვის კანონმდებლობით დადგენილ ნორმასთან შეუსაბამობისთვის, ფიზიკური პირის შემთხვევაში ჯარიმის ოდენობა პირველ ჯერზე 100 ლარია, მეორე ჯერზე - 300 ლარი, მესამე ჯერზე - 600 ლარი. იურიდიული პირის შემთხვევაში კი, ჯარიმა, შესაბამისად, 500, 1500 და 3000 ლარია. ჯარიმის 10 დღის ვადაში გადახდის შემთხვევაში, სამარალდამრღვევს ჯარიმის ოდენობა 20%-ით შეუმცირდება.

საქართველოს გენერალურმა პროკურატურამ ,,კანონიერი ქურდობისთვის“, ,,ქურდული სამყაროს“ წევრობისთვის, ,,ქურდული სამყაროს“ საქმიანობის მხარდაჭერისა და ,,კანონიერი ქურდისთვის/ქურდული სამყაროს“ წევრისთვის მიმართვის ფაქტებზე, 15 პირს ბრალდება წარუდგინა, -- ამის შესახებ ინფორმაციას პროკურატურა ავრცელებს.

მათივე ინფორმაციით, საქართველოს შინაგან საქმეთა სამინისტროში, 2 სისხლის სამართლის საქმეზე ჩატარებული კომპლექსური გამოძიებით დადგინდა, რომ ,,ქურდული სამყაროს“ წევრები, ,,ქურდული სამყაროს“ საქმიანობის მხარდამჭერაში ბრალდებულ პირებთან ერთად, საზღვარგარეთ მყოფი ,,კანონიერი ქურდების“ - ლ.მ.-ს და რ.ხ.-ს დავალებით, საქართველოში სისტემატურად აწყობდნენ ,,ქურდულ გარჩევებს“, იხილავდნენ მხარეებს შორის არსებულ ფინანსურ დავებს და უზრუნველყოფდნენ ე.წ. „ქურდული საერთოსთვის“ თანხების შეგროვებას. ასევე, ორმა პირმა დავის მის სასარგებლოდ გადასაწყვეტად ,,ქურდული სამყაროს“ წარმომადგენლებს მიმართა.

2 პირს ბრალდება საქართველოს სისხლის სამართლის კოდექსის 223 პრიმა მუხლის მეორე ნაწილით (,,კანონიერი ქურდობა“) დაუსწრებლად წარედგინა, რაც სასჯელის სახედ და ზომად 9-დან 15 წლამდე თავისუფლების აღკვეთას ითვალისწინებს; 5 პირს ბრალდება 223 პრიმა მუხლის პირველი ნაწილით (,,ქურდული სამყაროს“ წევრობა) წარედგინა, რაც სასჯელის სახედ და ზომად 7-დან 10 წლამდე თავისუფლების აღკვეთას ითვალისწინებს; 6 პირს ბრალდება 223 ტერცია მუხლის მეორე ნაწილით (,,ქურდული სამყაროს“ საქმიანობის მხარდაჭერა) წარედგინა, რაც სასჯელის სახედ და ზომად 3-დან 6 წლამდე თავისუფლების აღკვეთას ითვალისწინებს, ხოლო 2 პირს 223 კვარტა მუხლის პირველი ნაწილით (,,კანონიერ ქურდისთვის/ქურდული სამყაროს“ წევრისთვის მიმართვა) წარედგინა, რაც სასჯელად 3-დან 7 წლამდე თავისუფლების აღკვეთას ითვალისწინებს.

პროკურატურის შუამდგომლობის საფუძველზე, თბილისის საქალაქო სასამართლომ ყველა ბრალდებულს აღკვეთის ღონისძიების სახით პატიმრობა შეუფარდა.

სისხლის სამართლის საქმეებზე გამოძიება გრძელდება.

გენერალური პროკურატურის განცხადებით, თბილისის საქალაქო სასამართლომ სრულად გაიზიარა მათ მიერ წარდგენილი მტკიცებულებები და თბილისში დამამძიმებელ გარემოებებში ჩადენილი განზრახ მკვლელობისთვის ბრალდებული დამნაშავედ ცნო. შემთხვევა თბილისში, მუხიანში მარტში მოხდა.

"გამოკვლეული მტკიცებულებებით დადასტურდა, რომ 2023 წლის 22 მარტს, თბილისში, მუხიანის დასახლებაში,  ბრალდებულმა ურთიერთშელაპარაკების ნიადაგზე, ერთ-ერთი კორპუსის ლიფტში დაზარალებულს განსაკუთრებული სისასტიკით, დანით სხეულის სხვადასხვა არეში  მრავლობითი ჭრილობები მიაყენა, შემდეგ  ბენზინი დაასხა და ცეცხლი წაუკიდა. მიყენებული დაზიანებების შედეგად დაზარალებული ადგილზე გარდაიცვალა", - წერია პროკურატურის განცხადებაში.

სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 109-ე მუხლის „მ“ ქვეპუნქტით (განზრახ მკვლელობა, ჩადენილი განსაკუთრებული სისასტიკით) წარედგინა.

თბილისის საქალაქო სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 19 წლით თავისუფლების აღკვეთა განუსაზღვრა.

ნიდერლანდების პოლიცია მკვლელობაში ბრალდებულ თორნიკე მანველიძეს ეძებს, რომელიც ამჟამად მიმალვაშია, იგი მწერალ გოჩა მანველიძის შვილია. 28 წლის მამაკაცს ბრალად ედება თანამემამულის, საქართველოს მოქალაქის, 32 წლის შოთიკო საკანდელიას მკვლელობა.

არ­სე­ბუ­ლი ინ­ფორ­მა­ცი­ით, მან­ვე­ლი­ძემ 32 წლის შო­თი­კო სა­კან­დე­ლი­ას ქა­ლაქ უტ­რეხ­ტში, სა­სიკ­ვდი­ლო ჭრი­ლო­ბა მი­ა­ყე­ნა. შემ­თხვე­ვა 19 სექ­ტემ­ბერს ერთ-ერთ სას­ტუმ­რო­ში მოხ­და. მოკ­ლულ ახალ­გაზ­რდას ჭრი­ლო­ბა ყე­ლის არე­ში და­ნით აქვს მი­ყე­ნე­ბუ­ლი. მას დამ­ნა­შა­ვემ პირ­და­პირ სა­ძი­ლე არ­ტე­რია და­უ­ზი­ა­ნა.

თორ­ნი­კე მან­ვე­ლი­ძის ფო­ტოს ნი­დერ­ლან­დე­ბის ცენ­ტრა­ლუ­რი სა­ოლ­ქო პრო­კუ­რა­ტუ­რა აქ­ვეყ­ნებს და წერს: "თუ იცით მისი ად­გილ­სამ­ყო­ფე­ლი ან ფლობთ სხვა რა­ი­მე ინ­ფორ­მა­ცი­ას, გთხოვთ, დარ­ე­კოთ სა­გა­მო­ძი­ე­ბო ხაზ­ზე 0800-6070. თუ შემ­თხვე­ვით გა­და­ა­წყდით თორ­ნი­კე მან­ვე­ლი­ძეს, ნუ მი­უ­ახ­ლოვ­დე­ბით მას".

რო­გორც მედიისთვის გახ­და ცნო­ბი­ლი, მან­ვე­ლი­ძეს შენ­გე­ლი­ას­თან უთან­ხმო­ე­ბა ჯერ კი­დევ სა­ქარ­თვე­ლო­ში ჰქონ­და და მოკ­ლუ­ლის ახ­ლობ­ლე­ბი თვლი­ან, რომ ეს გან­ზრახ მკვლე­ლო­ბა იყო. რა გახ­და ამ შემ­ზა­რა­ვი მკვლე­ლო­ბის მი­ზე­ზი, ამას, ალ­ბათ, სა­მარ­თალ­დამ­ცვე­ლე­ბი და­ად­გე­ნენ.

მედიაში ვრცელდება ბრალდებული თორნიკეს მამის, მწერალი გოჩა მანველიძის პირველი კომენტარი:

"ბა­თუმ­ში ვი­ყა­ვი, იქ და­მი­რე­კეს და მაც­ნო­ბეს ეს ამ­ბა­ვი. ორი დღის წინ თორ­ნი­კე თვი­თონ გა­ვა­ცი­ლე ჰო­ლან­დი­ა­ში, მის მე­გო­ბარ გო­გო­ნას­თან ერ­თად წა­ვი­და. მას მერე არ დამ­კავ­ში­რე­ბია, ვერც გო­გო­ნას ვუ­კავ­შირ­დე­ბით. ახლა ვცდი­ლობ ჰო­ლან­დი­ა­ში, ნი­დერ­ლან­დე­ბის სა­ელ­ჩო­დან იქ­ნებ რამე გა­ვარ­კვიო. არ მგო­ნია, ტყუ­ი­ლი იყოს, მგო­ნია, რომ მარ­თლა მოხ­და ეს უბე­დუ­რე­ბა. არ ვიცი, ის გარ­დაც­ვლი­ლი ვი­ნაა. თქვეს, რომ ეს ამ­ბა­ვი მის საქ­მი­ა­ნო­ბას უკავ­შირ­დე­ბა. თორ­ნი­კე ჩა­კე­ტი­ლი ბი­ჭია, არ მა­ხე­დებ­და მის საქ­მე­ებ­ში და არ ვიცი, მას­თან რა ურ­თი­ერ­თო­ბა ჰქონ­და, არას­დროს შევ­ხვედ­რილ­ვარ. ჩემს შვილს ვიც­ნობ და ეს ამ­ბა­ვი ჩემ­თვის ცოტა გა­უ­გე­ბა­რია. ჯერ-ჯე­რო­ბით, ყვე­ლა ჩუ­მა­დაა და მე­უბ­ნე­ბი­ან, არ გვაქვს ინ­ფორ­მა­ცი­აო.

ჩვე­ნი შსს-ც და სა­გა­რეო საქ­მე­თა სა­მი­ნის­ტროც მე­უბ­ნე­ბა, არა­ფე­რი ვი­ცი­თო. თორ­ნი­კე 28 წლი­საა და "ლი­დერ­ბეთ­ში" კომ­პა­ნი­ას­თან თა­ნამ­შრომ­ლობ­და. არ ვიცი, მაგ­რამ რო­გორც ინ­ტერ­ნეტ­ში ამო­ვი­კი­თხე, ის ბი­ჭიც პო­კერ ტურ­ნირ­ზე ყო­ფი­ლა წა­სუ­ლი. იცით, რა იყო, თა­ნამ­შრომ­ლე­ბი ჰო­ლან­დი­ა­ში პო­კერ­ტურ­ნირ­ზე ჯგუ­ფუ­რად უნდა წა­სუ­ლიყ­ვნენ. თა­ნამ­შრომ­ლებს ერ­თად არ უმგზავ­რი­ათ, მაგ­რამ უტ­რეხ­ტში ერ­თად უნდა ჩა­სუ­ლიყ­ვნენ.

არ არის თორ­ნი­კე მოძ­ველ­ბი­ჭო და მო­ხუ­ლიგ­ნო ტიპი, ევ­რო­პუ­ლი აზ­როვ­ნე­ბის და ყა­ი­დის ადა­მი­ა­ნია. ვინ­მეს­თან კონ­ფლიქტზეც არა­ფე­რი მსმე­ნია, ამი­ტომ ვარ გა­ოგ­ნე­ბუ­ლი... როცა მი­თხრეს, კარ­გა ხანს აზ­რზე ვერ მოვ­დი­ო­დი, ახ­ლაც ვერ ვი­ჯე­რებ... კარ­გი გან­წყო­ბით და მშვე­ნი­ერ ხა­სი­ათ­ზე წა­ვი­და, არა­ვის­თან არა­ვი­თა­რი პრობ­ლე­მა არ ჰქო­ნია. სამ­სა­ხუ­რი­დან კი გზავ­ნიდ­ნენ, მაგ­რამ ის და­სას­ვე­ნებ­ლად მი­დი­ო­და, მი­თხრა, ჰო­ლან­დი­ა­ში ერთი კვი­რა, ან 10 დღით დავ­რჩე­ბი­თო. ახლა ჩა­მო­ვალ, მა­ტა­რე­ბელ­ში ვზი­ვარ და იქ­ნებ, მეტი გა­ვარ­კვიო, ამა­ღამ­ვე და­ვი­წყებ მოქ­მე­დე­ბას“. - ამბობს მწერალი.

რას ჰყვება მკვლელობაში ბრალდებული მანველიძის მეგობარი?
"თორ­ნი­კეს ახ­ლოს ვიც­ნობ და ვერ ვხვდე­ბი, რა მოხ­და, გა­ოგ­ნე­ბუ­ლი ვარ... მთე­ლი დღეა კონ­სულ­თან და­კავ­ში­რე­ბას ვცდი­ლობ, მაგ­რამ ვერ ვუ­კავ­შირ­დე­ბი, ყვე­ლას მივ­წე­რე და მას­თან მა­მი­სა­მარ­თე­ბენ. მეც ის ვიცი, რაც ყვე­ლამ. თორ­ნი­კეს­გან მსგავ­სი რამ არის წარ­მო­უდ­გე­ნე­ლი, და­უ­ჯე­რე­ბე­ლია, ვინც იც­ნობს, ამა­ში ყვე­ლა და­მე­თან­ხმე­ბა. იქ­ნებ რა­ღაც შეც­დო­მაა?! ის სა­ოც­რად მშვი­დი, ზრდი­ლო­ბი­ა­ნი და გა­წო­ნას­წო­რე­ბუ­ლი ადა­მი­ა­ნია... ეს თუ სი­მარ­თლეა, თავ­ში არა­ფე­რი მომ­დის აზ­რად, რამ გა­მო­იწ­ვია მისი ეს საქ­ცი­ე­ლი? არც ის ვიცი, იც­ნობ­და თუ არა, ან რა აკავ­ში­რებ­და გარ­დაც­ვლილ­თან. თორ­ნი­კე პო­კე­რის ტურ­ნირ­ზე მარ­ტო არ წა­სუ­ლა, მისი მე­გო­ბა­რი გო­გო­ნა ახ­ლდა. მას­ზე არა­ფე­რი ვი­ცით, არც ის ჩანს. ბო­ლოს, გაფ­რე­ნის წინ ვნა­ხეთ ისი­ნი, გუ­შინ გარ­კვე­უ­ლი მი­ზე­ზე­ბის გამო ვერ შე­ვეხ­მი­ა­ნე, დღეს დი­ლით კი ეს ამ­ბა­ვი სრუ­ლი­ად შემ­თხვე­ვით, ტე­ლე­ვი­ზი­ით გა­ვი­გე. ის და თორ­ნი­კე წელს უკვე მე­ო­რედ იყ­ვნენ ჰო­ლან­დი­ა­ში ტურ­ნირ­ზე, ყველ­გან თან დაჰ­ყავ­და.. მხო­ლოდ ის მინ­და, რომ გა­ვი­გო, სად და რო­გო­რაა ჩვე­ნი მე­გო­ბა­რი გო­გო­ნა, და­ნარ­ჩე­ნი გა­მო­ძი­ე­ბამ და­ად­გი­ნოს“.

რა წე­რია ნი­დერ­ლან­დე­ბის ცენ­ტრა­ლუ­რი სა­ოლ­ქო პრო­კუ­რა­ტუ­რის მთა­ვა­რი პრო­კუ­რო­რის გან­ცხა­დე­ბა­ში?

"ეჭ­ვმი­ტა­ნი­ლი არც ისე მა­ღა­ლია, გამ­ხდა­რია და აქვს ღია ფე­რის კანი, ყა­ვის­ფე­რი თმა და თვა­ლე­ბი, ატა­რებს წვერს. სამ­შა­ბათს სა­ღა­მოს მას მუქი ან შავი ტან­საც­მე­ლი ეცვა. თუ იცით მისი ად­გილ­სამ­ყო­ფე­ლი ან ფლობთ სხვა რა­ი­მე ინ­ფორ­მა­ცი­ას, გთხოვთ, დარ­ე­კოთ სა­გა­მო­ძი­ე­ბო ხაზ­ზე 0800-6070. თუ შემ­თხვე­ვით გა­და­ა­წყდით თორ­ნი­კე მან­ვე­ლი­ძეს, ნუ მი­უ­ახ­ლოვ­დე­ბით მას.

ინ­ფორ­მა­ცი­ის გა­ზი­ა­რე­ბა ასე­ვე შე­საძ­ლე­ბე­ლია ანო­ნი­მუ­რად, ტე­ლე­ფონ­ზე: 0800-7000 და ასე­ვე ონ­ლა­ინ ამ ლინკზე მო­ცე­მუ­ლი ფორ­მის სა­შუ­ა­ლე­ბით. აქ ასე­ვე შე­გიძ­ლი­ათ ატ­ვირ­თოთ სუ­რა­თე­ბიც", - ვკი­თხუ­ლობთ სპე­ცი­ა­ლურ გან­ცხა­დე­ბა­ში. 

„ამჟამად, თორნიკე მანველიძის ადგილსამყოფელი უცნობია. სწორედ ამიტომ, ვაქვეყნებთ მის ფოტოს. ნებისმიერი ინფორმაციის შემთხვევაში დარეკეთ 112-ში, ინფორმაციის გაზიარება ასევე შესაძლებელია, ანონიმური დანაშაულის შესახებ“, - წერს პოლიცია.

რაც უფრო წინ მიდის ელექტრონული ტექნოლოგიები, მით უფრო იზრდება საფრთხე იმისა, რომ ვიღაცამ, შესაძლოა, მოახერხოს და ჩვენი საბანკო ანგარიშები დააცარიელოს. ზოგადად, ადამიანების მცირე ნაწილს უდევს დიდი თანხა ბარათზე, მაგრამ მცირე ოდენობის თანხები ყველას აქვს და თუ ამ მცირეს ბევრს მოპარავთ, ბოლოს საკმაოდ სოლიდური ოდენობა გამოვა. ბანკები ყველაფერს აკეთებენ იმისთვის, რომ კლიენტები დაიცვან, მაგრამ ხშირად,ეს არც მათ გამოსდით. რაც ყველაზე საინტერესოა, ბანკები მაქსიმალურად ცდილობენ, დამალონ ისტორიები, რომლებიც მათი კლიენტების ანგარიშებიდან ფულის გაქრობას ეხება. ეს კონფიდენციალური ინფორმაციაა და ამიტომ, ბანკის დასახელებას არ ვაპირებთ, თუმცა მისი კლიენტებიი ათი ათასობით საქართველოს მოქალაქეები არიან.

ყველაფერი უცნაურად დაიწყო - ერთ-ერთმა კლიენტმა ბანკს მიაკითხა და უთხრა, რომ მისი ანგარიშიდან 600 ლარი გაქრა. ერთი შეხედვით, ეს დიდი თანხა არ არის, მაგრამ ვიღაცისთვის 600 ლარი ერთი თვის სარჩოა. ბანკმა გადაამოწმა და... მომხმარებელს აუხსნა, რომ ბარათით მან ისარგებლა და ოქროს ბეჭედი შეიძინა. კლიენტი გაოცდა, მეტიც, გაოგნდა, მაგრამ ბანკი კატეგორიულად ამტკიცებდა, რომ ბარათით სწორედ მისმა მფლობელმა ისარგებლა. ცოტა ხნის შემდეგ, იმავე ბანკში უკვე სხვა მოქალაქე მივიდა და დაიჩივლა, რომ მისი ანგარიშიდან 2 000 ლარზე მეტი იყო გამქრალი. ბანკმა ისევ გადაამოწმა და ბარათის მფლობელს ამონაწერი უჩვენა, რომლთაც მან... ოქროს სამაჯური შეიძინა. ბარათის მფლობელი პოლიციაში წავიდა.

„მის გარდა, კიდევ რამდენიმე მოქალაქის განცხადება გვედო, ზოგს ბევრი მოპარეს, ზოგს - ცოტა, მაგრამ ფაქტი ის იყო, რომ თანხა ერთი კონკრეტული ბანკის ბარათებიდან იკარგებოდა ანუ იყო რაღაც, თუ ვიღაც ბანკში, რაცამ ვინც ასეთ შედეგებს იწვევდა. საინტერესო ის გახლდათ, რომ ბანკი მზად იყო, ბოლომდე ეთანამშრომლა, მაგრამ წარმოდგენა არ ჰქონდა, როგორ იკარგებოდა ფული და ამტკიცებდა, რომ თანხას მომხმარებლები ხარჯავდნენ. ეს ვერსია გამოძიებისთვის არაფრისმომცემი იყო, რადგან ვიღაც რომ 50 ლარის გამო განცხადებას დაგიწერს, იმას ნიშნავს, რომ მას ეს 50 ლარი სასიცოცხლოდ სჭირდება და რომ დაეხარჯა, განცხადებას არ დაწერდა. მნიშვნელოვანი ინფორმაცია იყო ისიც, რომ დანახარჯი ძირითადად ორქოულობაზე მოდიოდა ანუ ხომ არ შეიძლებოდა, რომ თითქმის ყველა, ვინც ჩიოდა, წასულიყო და ოქრო-ბრილიანტი ეყიდა“,-გვიყვება ამ საქმის გამომძიებელი. სტატია სრულად იხილეთ აქ

ტექნიკური უნივერსიტეტის პროფესორი გაიტაცეს და სცემეს - ლექტორი საავადმყოფოში გარდაიცვალა | ერთ-ერთი ვერსიით, ანგარიშსწორება ბიზნესინტერესებს უკავშირდება.

ტექნიკური უნივერსიტეტის რექტორის ინფორმაციით, მათი პროფესორ ოთარ გელაშვილი მიღებული დაზიანებების შედეგად გუშინ გარდაიცვალა. როგორც უმაღლესი სასწავლო დაწესებულების ხელმძღვანელი ამბობს, გელაშვილი დაახლოებით 1 თვის წინ, ქვემო ქართლის რეგიონში იპოვეს, მას მძიმე დაზიანებები აღენიშნებოდა: 

"1 თვის, 40 დღის წინ, ერთი დღე იყო საღამოს შვიდი საათიდან დილამდე მიუწვდომელი. შემდგომში ის იპოვეს რუსთავში, ქვემო ქართლის რეგიონში, იყო ძალიან მძიმე მოტეხილობებით. გაუკეთდა მას ოპერაცია რუსთავში, შემდეგ გადმოყვანილ იყო საუნივერსიტეტო კლინიკაში. ბატონ ოთარ გელაშვილი გარდაიცვალა გუშინ დილას...

ის გარდაიცვალა ცემის შედეგად მიყენებული დაზიანებებით " ამბობს რექტორი "მთავარ არხთან".

მისივე ინფორმაციით, გამოძიებას ერთი პირი დაკავებული ჰყავს, ხოლო მეორე მიიმალა და ქვეყანა დატოვა. რექტორი არ გამორიცხავს, რომ მომხდარი გელაშვილის ბიზნეს-საქმიანობას უკავშირდება და ამბობს, რომ გამოძიებაც სწორედ ამ კუთხით მუშაობს:

"ეს არ უკავშირდება არც აკადემიურ და არც სამეცნიერო საქმიანობას. მეცნიერს აქვს უფლება ჰქონდეს პირადი ბიზნესი და შეიძლება ერთ-ერთ ბიზნესს უკავშირდება. 

მთავარი ვერსია არის ეს. " ამბობს სტუ-ს რექტორი.

მომხდარზე შსს-ს ოფიციალური განცხადება ჯერ არ გაუვრცელებია.